که غواړئ خپل هیواد په پښو ودروئ نو د خپل هیواد تولیدات واخلئ

0 696

د خپل هیواد تولید مو که څه هم کیدای شي د بهرنیو تولیداتو په نسبت یو څه ټیټ کیفیت ولري (په ډیری حالاتو کې تر ګاونډیانو ښه وي) خو بیا یې هم باید له وطن سره د میني او د ملي ګټو لپاره واخلئ. همدا کارخانې چې روانې وي نو له یوې خوا به یو زیات شمیر افغانان کار ولري او له بلې خوا به کارګر او مالک دولت ته مالیه ورکوي. نه یوازې مو د خلکو اقتصاد ورسره ښه کیږي بلکې د دولت اقتصاد مو هم ورسره په پښو دریږي. د پرمختللې نړۍ تر ټولو غټ کمال همدا دی چې ډیری خلک یې کار کوي او دولت ته مالیه ورکوي. د دولتو اقتصادونه یې د همدې مالیې په پيسو په پښو ولاړ دي. نن چې غرب له افغانانو سره مرسته کوي دا یې ډیری د خپلو خلکو د ماليې پيسې دي.
بل ټکي ته مو پام وي چې هره کارخانه په شروع کې دومره ښه تولید نلري. خو که دوام پيدا کړي نو ورو ورو خپل تولید اصلاح کوي چې په نتیجه کې یو باکیفیته تولید په کم قیمت خرڅلاو ته وړاندې کوي. له سوني نه تر سامسانګ تر فورډ تر ټویوټا او تر بلې کمپنۍ پورې هرې یوې په اولو وختو کې د دومره ښه کیفیت سامان نشو تولیدولای خو د وخت له تیریدو سره یې د تولیداتو کیفیت هم ښه کیده. نن که تاسې د خپلو افغان کمپنیو تولیدات اخلئ دا تاسې په حقیقت کې د دې کمپنۍ او د افغانستان د اقتصاد له بقا سره مرسته کوئ. که لس کاله وروسته د دې کمپنۍ تولید دومره ښه شي چې نورو هیوادو ته هم خپل تولیدات صادر کړای شي نو نه یوازې به ورسره لا ډیر افغانان په کار شي بلکې دولت ته به هم ډیره مالیه ورکوي او د هیواد اقتصاد ته به ډیره ګټه رسوي.
که غواړئ خپل هیواد په پښو ودروئ نو د خپل هیواد تولیدات واخلئ.
دجمل ستانکزی

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply