د شربت ګلې په اړه یوه لیکنه/ اجمل ستانکزی

0 345

په یوه اردو پاڼه کې مې د شربت ګلې په اړه یوه لیکنه ولیده. لیکنه کې یې ویلي وو چې دومره ټالیبان په پاکستان کې اوسیږي نو له یوې ناجوړه بیګناه کونډې ښځې سره ولې داسې بد سلوک کیږي او هغه بندي کیږي؟
ځوابو ته یې حیران شوم. هغوی چې سخت مذهبیان ښکاریدل نو په پاڼه یې انتقاد نیولی وو او دا پاڼه یې د پاکستان او د پاکستان د اردو په ضد ښودلې وه. دوی د یوې بیګناه کونډې په ځای پاکستان او پاکستاني پوځ ته لمړیتوب ورکړی وو.
راشه زمونږ مذهبیانو ته. اردو او هیواد خو یوې خوا ته پریږده ځکه اردو خو د کفارو ده او هیواد کې هم کفري نظام دی، خپل هغه ملت باندې یې هم زړه نه خوږیږي چې ډیری یې لکه همدوی مسلمانان دي. یا د کشمیر په سر جنګونه کوي، یا د فلسطین، یا د برما او یا هم د بل ځای. پرون مې هم له یو سره په همدې بحث وو چې په کشمیر، فلسطین او برما کې په ګډه په دا ۶۰ یا ۷۰ کلو کې دومره نه دي مړه شوي لکه څومره چې په افغانستان کې په دا تیرو ۴۰ کلو کې مړه شوي. نن هم مونږ هره ورځ تر دغو ټولو ډیر مرو. خو بیا هم د همدردۍ حقدار هغوی دي. ولې؟
نه پوهیږم ولې زمونږ ډیری عام مذهبیان لکه د پاکستان، ترکیې، مصر، سعودي، امارات، ایران، قطر او نورو هیوادو په شان له خپل نظام، اردو او هیواد سره چندان مینه نلري. ولې د دولت ضد یاغیان او د یاغیانو ملاتړي تل همدوی وي؟

Leave A Reply

Your email address will not be published.