کونړ چارواکي: د پاکستاني ځواکونو د توپونو ډزو کې ۲ تنه شهیدان شوي

0 812

د کونړ سیمه ییز چارواکي وايي، سرکاڼو ولسوالۍ اړوند د نولۍ په کلي یو ځل بیا پاکستانیو ځواکونو د توپونو ډزې کړې چې په کې دوه تنه شهیدان شوي.

د کونړ امنيه قومندانۍ ویاند فریدالله دهقان ازادي راډیو ته وویل، تېره شپه لس بجې پاکستانیو ځواکونو د سرکاڼو ولسوالۍ په نولۍ باندې د درنو توپونو له لسو زیاتې ډزې کړي چې یوه يې د هستوګنې په کور لګیدلې چې په‎کې یوه مور او یو ۱۵ کلن زوی وژل شوي دي.

نوموړی وايي:

“دا شپې له ۱۰ بجو نه تر پاو باندې لسو پورې د پولي له بلې غاړې پاکستانیو نظامیانو د توپونو ګولۍ راویشتلي په نولۍکلي باندې دوه تنه په‎کې شهیدان شوي.”

له تېرو څو کالو د پاکستان پوځ د کونړ او په ډیورنډ کرښه پرتو نورو ولایتونو باندې د توپونو ډزې کوي چې همدې ډزو زیات افغاناند خپلو کورونو پريښودو ته اړ کړي چې اوس هغه ټولې ساحې له خلکو خالي شوي دي.

سرچینه: ازادي رادیو

Leave A Reply

Your email address will not be published.