دا هسې خبره ده چې غني د امان الله خان د ارمانونو پوره کوونکی دی

0 900

يوه اونۍ مخکې په کانټينټل هوټل کې د ښځو د حقونو او د ښځو په وړاندې د تاوتريخوالي په اړه يوه کنفرانس و. د کنفرانس د دوهمې ورځې ويناواله مژګان مصطفوي وه. په وينا کې يې وويل مونږ چې اوس کوم ټکانونه خورو او دا څومره افراطيت چې روان دی دا ټول د امان الله خان د ناسمې حکومتولۍ نتيجه ده. د دې په خبره چې امان الله خان فحاشي دود کړې وه او اوس چې مونږ د ښځو د حقونو خبرې کوو نو د خلکو ذهن ته اماني دوره او همغه موډ ورځي چې ګويا ښځې دې لوڅ سر او لوڅې پښې وګرځي.
زه د کنفرانس وروسته پسې ورغلم ما وېل تاسې دا خبرې په هوش و حواسو وکړې چې مونږ کوم ټکانونه خورو د اماني دورې له امله يې خورو؟ وای هو، دا زه په جرات وايم.
د خدای په شپو او د غني په فيصلو کې هماغه ښځه د اطلاعاتو فرهنګ وزارت باصلاحيته معينه شوه. دا هسې خبره ده چې غني د امان الله خان د ارمانونو پوره کوونکی دی. که وای لږ تر لږه د امان الله خان سپکاوی کوونکې مېرمن خو به يې دومره نه ترفيع کوله. يو څوک چې د افغانستان زرين عصر ته د تاريکۍ او د افغانستان د تباهۍ عامله دوره وايي، نو هغه به مونږ ته څه ارمغان راوړي؟

نجیب ننګیال

Leave A Reply

Your email address will not be published.