د رحمان بابا (رح) د مزار شناخته غلا شوه

0 1,362

 د صوفي  شاعر  رحمان  بابا  د قبر  شناخته  چې  په یاقوت او مرجان قیمتي کاڼو باندې  سینګار  وه  غلا شوې ده .

د ویلو ده چې  د پښتو د نامتو او صوفي  شاعر  رحمان  بابا  د قبر  لپاره  په یاقوت او مرجان  قیمي  کاڼو  سمبال  دا شناخته  د افغانستان  د پخواني  پاچا  ظاهر شاه  لخوا استول شوې وه.

د پاکستان د خیبرپښتونخوا ایالت  د پیښور  ښار  د پولیسو  مشر سردار ثاقب  د نوموړې پیښې له مخې  د ځینو مسئولینو پر خلاف  د تحقیقاتو د پیلولو  امر کړی دی. د نوموړې  پیښې په پولیسو تحقیقات پیل کړي دي.

د پاکستان د خبري رسنیو د خبر له مخې  د پيښور ښار  د پولیسو  یو تن مشر سردار ثاقب  تیره اوونۍ په ناڅاپي توګه  د رحمان بابا  د زیارت  نه لیدنه وکړه او ددې زیارت  په شاوخوا کې په  غیرې قانونو توګه د جوړو شوو کورونو  د ورانولو امر يي وکړ.

د پولیسو د مشر لخوا  د رحمان بابا  د مزار نه د زیارت پر مهال  دا معلومه  شوه چې  د قبر شناخته  غلا شوې ده .

د یادولو وړ ده  چې  د رحمان بابا  د قبر  شناخته  په ۱۹۵۰ کلونو کې  د افغانستان د پخواني پاچا محمد ظاهر شاه لخوا  چې په یاقوت او مرجان قیمي کاڼو سینګار وه  او رحمان بابا  په پښتو او فارسي ژبه  ځینو شعرونه پرې لیکل شوي  وو  پیښور ته استولې وه. ویل کیږي  ظاهره شاه  د نوموړې شناختې  سربیره  د رحمان بابا د قبر لپاره ځیني قیمي کاڼي هم  استولي وو.

د رحمان بابا د زیارت  مسئولینو ویلي دي چې  د هغه د قبر په شناخته کې  ګلابي رنګه  یاقوت  او تک شنه مرجان  کاڼي  ځای په ځای شوي وو. هغوې ویلي دي چې  دې قیمتي کانو  د رحمان  بابا  مزار  ته ځانګړی رنګ  ورکړی وو.

د پولیسو مشر خبري رسنیو ته ویلي دي چې  د رحمان بابا د زیارت  د شاوخوا سیمې د جوړولو په خاطر يي  د ځینو غیرې قانوني  ودانیو د ویجاړولو  امر وکړ.  خو پدې مهال  د رحمان بابا د قبر شناختې ته  متوجه شو  چې نوه.

هغه ویلي دي دا لا معلومه نده چې  د رحمان بابا  د قبر شناخته  څه وخت  غلا شوې ده.

TRT PASHTO

Leave A Reply

Your email address will not be published.