یو تن ماین لیږدونکی ونیول شوو/لغمان

0 872

یو تن ماین لېږدونکی د ماین سره یو ځای لاس په لاسو ونیول شو.
د لغمان د امنیه قوماندانۍ د تروریزم پر ضد د مبارزې مدیریت د منسوبینو له لوري د ځانګړو اپراتیفي عملیاتو په تر څ کې یو تن سلطان محمد ماین لېږدونکی چې د الیشنګ ولسوالۍ څخه یې مرکز مهترلام ته په یوه سراچه ډوله موټر کې ماین را انتقالولو د ماین سره یو ځای لاس په لاس نیول شوی دی. چې په دې سره په مرکز مهترلام کې د یوې خونړۍ پېښه مخه ونیول شوه.
سلطان محمد چې اصلا د الیشنګ ولسوالۍ د سالاب د داګیانو کلي اوسیدونکی دی، د مخالفو وسلوالو د مشهور سرګروپ ملا برادر مخفی همکار دی او له مهترلام ښار څخه به یې هغوی ته اعاشه وي اکمالات هم کول.
همدارنګه د یاد مدیریت د منسوبینو له لوری یو بل کس چی مخالفو وسلوالو ته یې د کیبلی پل د جوړیدو په موخه (200) متره کیبل انتقالولو هم د تلاشۍ پر مهال نیول شوی دی.
ماین لېږدونکی او د کیبل انتقالونکی دواړه دا مهال په امنیه قوماندانۍ کې د پولیسو له لوري تر پوښتنو ګرویګنو لاندې دی.
لغمان والي عبدالجبار نعیمي د امنیه قوماندانۍ د منسوبینو ددغه لاسته راوړنې د ستاینې تر څنګ د ټولو کشفي او امنیتي ادارو مسولینو ته سپارښتنه کوي څو د دښمن د هر ډول شوم پلان د شنډولو په برخه کې بیدار و اوسي او خپلې کړنې نورې هم ګړندۍ کړي

Leave A Reply

Your email address will not be published.