يه زما خواره نصيبه…../ نجیب ننګیال

0 887

په يوه خبره مې سر نه خلاصېږي چې اخر دا بېچاره خدای په کومه ګناه نيولې. د حسينو سترګو دغه په صورت، په سيرت معصومه مېرمن ولې هر وخت د نوي زجر سره مخ کېږي؟ دومره نړېوال نوم که بل چا سره وای، څومره ارام ژوند به يې و؟

په کډوالۍ کې را لويه شې. له پلاره يتيمه يې. مور دې هم په کوچنيوالي کې شهيده. نېشنل جيوګرافيک ۱۷ کاله ستا په انځور بزنس وکړي او ته ايله ۱۷ کاله وروسته وپوهېږې چې دا په هر دفتر او هر دکان د ښکلو سترګو، د شلېدلي پړوني، حيرانې نجلۍ عکس خو زما دی.
پښتنه يې، انځور اخيستل عار بولې. خو د دې لپاره بل انځور ته زړه ښه کړې چې ګوندې عکاس دې په تور زېړي د اخته لور او خاوند درملنه در وکړي.
پاکستاني مسلمانان دې زندان ته واچوي او د ژوند تر ټولو ترخه خاطره دې وګرځي.
له زندانه راخلاصه شې. ۳۵۵ کاله وروسته وطن ته راشې. شپږ مياشتې په يوه داسې زندان (کرايي کور) کې تېرې کړې چې د ناروغۍ سره د کور خرڅ هيڅ درک دې نه وي در مالوم. سهار ماښام کرايه دار د کور څخه د وتلو درته وايي. خپل پنځه کلن زوی ته حيرانه حيرانه ګورې…

د ولسمشر غني د حکومت او کامله جانې دې کور ودان وي چې نن يې په خپلو ټولو ژمنو کې د پاتې راتلو تر څنګ د دې زنځېدلې مېرمنې د کور برېښنا هم قطع کړه. نه کور ورکړل شو، نه يې ماشومان ښوونځي ته ولاړل او بالاخره يې د يوه برق رڼا هم ځنې واخيسته.

زاخېلوال يې زنګ نه جيګوي. د هغه نور څه کار دی؟ هغه خو خپل سياست پرې وکړ. ځان يې اتل معرفي کړ. د کابل په دروازو د هرکلي بورډونه ولګېدل. لويې لويې ژمنې وشوې او ټولو په پاچا افرين وويلو…
خو حقيقت دا دی چې دا کونډه مېرمن د برېښنا د بل وس لا هم نلري. د رڼاګانو په ښار کې، نن شپه په تياره کې تېروي. 🙁

دريغه چې شرم وای…

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply