امریکا یو ځل بیا د کوریا په ټاپو وزمي خپلې تر ټولو پرمختللې د بمبارۍ الوتکې ولوزولې

0 538

امریکا متحده ایالتونو  یو ځل بیا  د کوریا په ټاپو وزمي  خپلې تر ټولو  پرمختللې  د بمبارۍ  الوتکې  ولوزولې.

امریکا د یوې اوونۍ په دننه کې د دویم  ځل لپاره د کوریا په ټاپو وزمې  بي  یو په نامه  تر ټولو  پرمختللې  د بمبارۍ الوتکې  ولوزولې.

د امریکا د سي ان ان  تلویزیون  د پنټاګون  د یو لوړپوړي چارواکي  چې نه يي غوښتل نوم يي  واخیستل شي له قوله لیکلي دي چې  امریکا  د شمالي کوریا لخوا د بعضو عسکري اقداماتو د ترسره کولو  په اړه  ځینې راپورونه ترلاسه کړي دي.

د همدې امله  امریکا لومړی د اپریل په ۲۶ مه نیټه ۲  بي یو  د بمبارۍ  الوتکې  او د دویم ځل لپاره  ۲ بي یو جنګي الوتکو  د کوریا په ټاپو وزمې ولوزولې.

د بله پلوه د پنټاګون یو تن بل چارواکي بیا ویلي دي چې دا الوتنې د مخکې نه پلان شوې وې خو  په سیمه کې  د حالاتو د لا زیات ترینګلتیا د مخنیوي په خاطر  پلان  اعلان شوی نه وو.

د یادولو وړ ده چې د تیرې دوشنبې په ورځ  د امریکا  دوه بي ۱ جنګي الوتکې  د امریکا اړوند  د ګوام  په ټاپو کې د اندرسن  د هوايي هډې نه  پورته شوې  او د جاپان او سویلي کوریا د جنګي الوتکې سره يي په ګډه د کوریا په ټاپو وزمه  الوتنه وکړه.

د بله پلوه  شمالي کوریا  د امریکا  ددې اقدام  نه په ښکاره توګه د تحریک امیزه  یو اقدام په توګه یادونه کړې ده .

شمالي کوریا ویلي دي چې دا په ښکاره توګه  عسکري تحریک امیزه ګام  دی. شمالي کوریا د امریکا  دا اقدام  غندلی دی.

شمالي کوریا ویلي دي چې  دا ډول  تحریک امیزه ګامونه  د کوریا په ټاپو وزمه کې چې  حالات  خراب دي  ښه پسې خرابوي  او اټومي جګړې ته  زمینه برابروي.

د ویلو ده چې  امریکا  د ۲۰۱۶ کال  د سپټمبر په میاشت کې  هم  د شمالي کوریا لخوا  د پر پسې  اټومي  ازمایښتونو نه وروسته خپلې تر ټولو پرمختللې جنګي الوتکې  د کوریا  د ټاپو وزمې د پاسه  الوزولې وې.

د بله پلوه  نړۍوالو شننونکو د امریکا ددې اقدام نه  د شمالي کوریا د ډارولو په توګه  یادونه کړې ده . ډیری پدې نظر  دي چې امریکا غواړي  د دې ډول اقداماتو سره  شمالي کوریا د فشار لاندې راولي او سرې سترګې ورته ښکاره کړي.

TRT Pashto

Leave A Reply

Your email address will not be published.