ښاروال خبرې کولې:/ نصیر احمد احمدي

0 1,377

(( زه به په لنډ وخت کې د ښار ټول سړکونه پاخه کړم، دوړې به ونه وينئ، د پلان له مخې به هر کور ته د اوبو نلونه تېر کړم، ، په سلګونو زره نيالګي به کېنوم…هر څه به ګل او ګلزرا شي…)).
د ښاروال هر شعار به زرګونه خلک په احساساتو راوستل، تر خولو به يې لاړې باد شوې، فضاه به د خلکو تېرو چيغو ونيوله (( ژوندی دي وي ښاروال…) تر ډېره به يې چکچې وهلې…
لږ ور هاخوا يوه بوډا يوه کوچيي نيالګي ته ځمکه کېندله. د يوه هم ور پام نه و.
کلونه ووتل. په ميليونونو ډالر ولګېدل، خو نه سړکونه پاخه شول، نه کورونو ته د پاکو اوبو نلونه ورغلل، نه ساحې شنې شوې…خو کوم نيالګی چې بوډا ايښی و، اوس غټه ونه ده.
موږ تل هغو غلو ته چکچکې وهلې دي، چې لويې لويې خبرې يې کړې او يواځې يې په هوايي خبرو ، د کاغذ پر مخ پلانونو او شعارونو غلط شوي يو. هغه خلکو ته ور ګورو هم نه چې غلي لګيا دي، د نورو د ښيګڼو او د وطن د ابادۍ له پاره خولې تويوي، له خپل جېبه مصرف کوي، خپل ماغزه خوري او په عمل کې کار کوي.

Leave A Reply