دې قهرمانانو موږ څه حالت ته راورسولو/ اباسین بریال

0 728

دې قهرمانانو موږ څه حالت ته راورسولو، ترڅو یوکس زموږ له قوم قبیلې نه وي اعتماد نه په کوو، خو بهرنیان که د هر بل هېواد وي، د انتخاباتو تر کمیسیون او د بشري حقونو تر ادارې باور په کوو، چې زموږ په حق کې ظلم نه کوي.
زموږ اخلاق، باورونه، ملت، زموږ ګټې او سرې کرښې یې څومره فاسدې کړې.
دا کار چا وکړ، هغوی چې نن یې په کابل کې بلډینګونه له اسمان سره لګي، د موټرو د کاروان په دوړو کې یې نیم ښار ورک وي، او په اوږو یې جګ کینوو، په لاسونو یې ورپریوځو.
دا خبره د تذکرو تر مامورینو رایاده شوه، که دا ملت یې داسې ټوټه ټوټه نه وای کړی، که معیارونه تر ژبو، سمتونو او قومونو نه وای رامحدود شوي، اوس به موږ په شایسته سالارۍ او لیاقت قضاوت کولو که په رشته دارۍ؟ موږ به اوس په ظوابطو تقرر کولو که په شخصي تمایلاتو؟
اصلي کارونه ددوی له لاسه رانه پاتې دي، لکه ګونډخې داسې یې کړو په ځآن راڅرخو.
ښامار چې مړ شي، ماران نه زیږي. خو موږ د مارانو ښکار شروع کړی ښامارانو ته په تعظیم پراته یوو.

Leave A Reply