د سويډن محکمې په ښاغلي جوليان اسانج باندې د جنسي تيري د لګيدلي تور دوسيه لغوه کړه

0 707

د سويډن محکمې په ښاغلي جوليان اسانج باندې د جنسي تيري د لګيدلي تور دوسيه لغوه کړه.
جوليان اسانج چې د شپيلۍ وهونکو د خوځښت له بنسټ ايښوونکو څخه دی, په عراق او افغانستان کې يې د امريکا د پوځ د بشري حقونو ضد جنايات په ويکي ليکس ويبپاڼه کې افشا کړي وو. ښاغلی اسانج وروسته په سويډن کې پر څلورو جرمونو تورن شو چې يو جرم يې جنسي تيری و.
اسانج د 20122 کال د جون په مياشت کې په لندن کې د ايکوادور سفارت ته پناه يوړه او تر اوسه په سفارت کې استوګن دی. واشنگټن د اسانج افشاگري خپل امنيت ته گواښ گڼلی او امريکا ته د هغه د لېږد غوښتنه کوي.
اسانج د يادې جرمي دوسيې پر فسخولو خوښ شوی او ويلي يې دي, هغوي به هيڅکله هير يا ونه بخښي چې پر ده يې بهتان ويلې او دده حيثيت يې زيانمن کړی دی. اسانج هغه کسان پړه ګڼلي چې دی يې 7 کاله له عادي ژونده محروم کړی دی.
اسانج لدې خطر سره مخامخ دی چې که د ايکوادور له سفارته راووځي, نو هغه به گرفتار شي او امريکا ته به ورکړل شي.
اسانج څو کاله دمخه په افغانستان کې د امريکايي پوځ مظالم او جنايات په ډاګه کړي وو, خو دولتي مقاماتو, مدني ټولنو او روڼ اندو هيڅ ډول غبرګون نه و ښکاره کړی.
ع. عليمي ــ له آر ټي او نورو خبري سرچينو څخه!.

Leave A Reply