د حمل پر مهال ډېر کچالو خوړل د شکر لامل ګرځي/ نبیله یوسفي

0 928

امريکايي ډاکټران وايي، چې ښځې بايد د حمل پر مهال د کچالو له ډېر خوراکه ځانونه وساتي؛ ځکه چې د اوونۍ په اکثرو ورځو کچالو يا چپس خوراک د شکرې پيدا کولو ستونزې ډېروي.
د برتانيې طبي ژورنال ليکلي، چې د ۲۱۰۰۰۰ حامله ښځو معاينه يې کړې، چې ډېری يې د حمل پر مهال د کچالو خوړلو له امله په شکرې اخته شوي دي.
د برتانيې خوراکي مشورو ادارې دا نه دي ويلي، چې اوونۍ کې بايد څومره کچالو وخوړل شي، خو حاملو ښځو ته يې سپارښتنه دا ده، چې د کچالو په خوړو کې ډېر احتياط وکړي.
د طبي کارپوهانو په وينا کچالو په وينه کې خواږه په ډېره چټکتيا خپروي.
د حمل پر مهال د بدن اړتياوې زياتې وي او په ځينو حامله ښځو کې دغه وخت د شکرې پيدا کېدو چانس ډېر وي.
د حمل پر مهال پيدا شوې شکرې ناروغي ژر ورکيږي، مګر دمور او ماشوم پر روغتيا اوږدمهالې اغېز لرلی شي.
۱۹۹۱م راهيسې تر ۲۰۰۱۱ د حامله نرسانو په روغتيايي حالت څېړنې ښيي، چې له حمل وړاندې يوې يې هم د شکرې ناروغي نه درلوده.
ډاکټرانو به هر څلور کاله وروسته د دغو نرسانو طبي معاينه کوله او د حمل پر مهال به يې د شکرې ناروغۍ هم راجستر کولې.
د لسو کالو په ترڅ کې د ۲۱۶۹۳ ښځو د روغتيايي حالت له څېړلو وروسته په دوی کې ۸۵۴۴ ښځې په شکرې اخته ښوول شوي دي.
د طبي کارپوهانو په وينا د حمل پر مهال شکره د بې هوښۍ، کانګو او لوړ فشار لامل ګرځي.
زموږ د معلوماتو له مخې ښځې بايد په خپل ژوند او په ځانګړې توګه د حمل پر مهال خپل وزن مناسب وساتي، معتدل خواړه وخوري او په فزيکي توګه فعاله ښځه د شکرې له ګواښه خوندي وي.
مننه

Leave A Reply