انتقالي عدالت دې په ټولو پلي شي. لومړی په امرالله صالح/ نجیب ننګیال

0 1,044

“پښتانه د افغانستان په شمال کې” د ډاکټر نبي مصداق کتاب دی. په دغه کتاب کې د طالبانو له فرارېدو وروسته په شمال کې په پښتنو د جمعيت اسلامي او د ټلوالې د لنډه غرو د ظلم او بربريت ډېرې کيسې شته. نسل وژنه، په ناموسونو تېری او چور وتالان هر څه يې وکړل. همدا اوس هم د قومندان عطا تر واک لاندې سيمو کې پښتانه وژل کېږي، په خپلو کې په جنګ اچول کېږي او له سياسي صحنې بهر ساتل کېږي. په پښتنو تر ټولو ډېر ظلم د امرالله صالح په وخت کې وشو، کله چې دی د ملي امنيت عمومي رئيس و. دا سړی خورا مکار، له باطنه زهرجن او په ظاهر کې سخت لشم دی. د ده په رياست کې پښتانه په کابل کې د طالب په نامه نېول کېدل او شکنجه کېدل. هر پښتون ژبی، شډل بډل وطنوال به طالب ورته ښکارېده.
زما ملګري پوهېږي چې زه د حکمتيار سرسخته مخالف يم او تر وروستۍ ورځې مې مخالفت او د هغه خيانتونو په اړه ليکل کړي. خو که انتقالي عدالت پلي کېږي، بايد په ټولو پلي شي. ما ته يو دی رباني او حکمتيار.
ملګري دې مرسته وکړي مونږ به يوناما ته نه يواځې د حکمتيار بلکې لومړی د امرالله صالح د شکنجو، بيا محقق او خليلي د رقص مرده، ورپسې د سياف، بيا د زرداد، د کندوز د قومندان ميرعلم، په جنګي کلا کې د دوستم د ظلمونو، په ليليې دښته کې د قومندان مالک د وحشت……. او نورو جنګي جنايتکارانو په اړه عريضه جمع کړو. انتقالي عدالت دې په ټولو پلي شي. لومړی په امرالله صالح!!

Leave A Reply