دلاریون کوونکو ټولې خبرې دروغ دي، خو یوه خبره یې سمه ده/ اجمل هوډمن

0 903

نن ماسخوتن مې د کابل ښار یوه لن‌‌‌‌‌‌ډه دوره وکړه. د مدني اعتراض په نوم مې چې کوم غیر مدني حرکتونه ولیدل ، په خپل حکومت مې زړه وخوږېد. د عامه واټونو مسدودول، د روغتونونو په څنګ کې راټولېدل، د ترافیکو د جریان په وړاندې موانع جوړول، تعلیمي ادارې له خطر سره مخامخ کول، د اقتصادي او تجارتی فعالیتونو په وړاندې خن‌‌‌‌‌‌ډونه جوړول د عامه نظم او عامه امنیت د اخلال سبب شوي.
د عامه نظم او امن اخلال د هېواد د کورني اوعامه امنیت ضد جرم دی. حکومت مکلف دی، چې د نظم اخلالونکي ونیسي ، قانون قهراً ور باندې تطبیق کړي او په ښار کې د سړیتوب وضعیت اعاده کړي.
موږ جمعیت څه کوو هغه خو هسې هم د شرارت مرکز دی. زموږ انتقاد په حکومت دی، چې د کابل د شپږ میلیونو خلکو امنیت یې په پنځو سوو لن‌‌‌‌‌‌ډه غرو ګرو کړی.
دا زموږ ملګري هسې چټي لګیا دي د اتمر صیب او ګل نبي احمدزي ننګه کوي. که امنیت شورا او ګارنیزیون امنیتي پالیسي درلوده نو نن به د کابل ښاریان په ساعتونو ساعتونو سره لمر ته په واټونو نه و ولاړ!
دلاریون کوونکو ټولې خبرې دروغ دي، خو یوه خبره یې سمه ده. هغه داچې دا حکومت د خپلو خلکو امنیت نه شي ساتلی، که یې ساتلی شوی نو نن به یې د همدې لاریون کوونکو لاسونه ور تړلي و!

Leave A Reply