په بند محکوم دوه جنرالان لا هم په خپلو دندو کې دي

0 809

د ملي دفاع وزارت دوه جنرالان چې څارنوالۍ په بند محکوم کړي، لا هم په خپلو دندو کې دي

 

په سردادر محمد داوود خان روغتون له برید وروسته دفاع وزارت په لسګونه مسوولین په دنده کې د بۍ غورۍ له امله څارنوالۍ ته معرفي کړي، چې اوس یې په محکمه کې د فساد موضوع برسېره شوې ده.

باوري سرچینو ویلي، چې د ملي دفاع وزارت دوه جنرالان، چې له یوه تر دوو کلونو بند سزا ورکړل شوې، د اجراییه ریاست د ملاتړ له کبله اوس په خپلو دندو کې پاتې دي.

((جنرال عبدالرزاق سیاوش او جنرال سلام نجرابی، چې په سردار محمد داوود خان روغتون ترهګریز برید کې په دنده کې د بې غورۍ له کبله محاکمه شوي وو، اوس د اجراييه رییس عبدالله عبدالله په ملاتړ خپلو دندو ته دوام ورکوي.))

ملي دفاع وزارت بیا نه مني چې دغه جنرالان دې د فشار له کبله په خپلو دندو کې پاتې وي.

له دې ټولو سره، وړمه ورځ هم ملي دفاع وزارت په ۲۰۹ شاهین قول اردو د برید په  تړاو ددې قول اردو مشر د بې غورۍ له کبله، په یو کابل بند محکوم کړ.

اوس نیوکې دا دي، چې په دولتي ادارو کې ځینې مسوولین چې په لویو پېښو او د فساد په دوسیو کې ښکېل وي، د چارواکو ملاتړ له ځان سره لري او قانون یوازې په هغوی د تطبیق وړ دی چې پیسې او زور نه لري.

Leave A Reply