د جنګي جرمونو نړیوالې محکمې خپلې څېړنې وځنډولې

0 628

د نړیوالو جرمونو محکمه وايي، په افغانستان کې یې د جنګي جرایمو په اړه خپلې پلټنې د نویو مالومات د ترلاسه کولو په خاطر ځنډولي دي.
په تېر نومبر کې دې محکمې ویلي و چې دا څېړنې به ژر پیل شي؛ خو اوس ویل کېږي چې له کابل څخه د نویو او مهمو مالوماتو په ترلاسه کولو سره دا بهیر ځنډېدلی دی.
رویټرز خبري اژانس لیکي، دې محکمې په یوه برېښنالیک کې ورته لیکلي، افغان حکومت د جنايي جرمونو نړیوالې محکمې ته نوي مالومات ورکړي چې شاید د څارنوالې پر پرېکړې اغېز وکړي.
ویل کېږي چې په دې ممکنه څېړنو کې له ۲۰۰۳ کال راهېسې پېښې څېړل کېږي. دې محکمې مخکې درې ډلې – وسله وال طالبان او د هغو ملاتړي، افغان چاروکي او د امریکا د وسله وال پوځ او د CIA غړي د پلټنو لپاره په نښه کړي و.
د جنايي جرمونو نړیواله محکمه معمولا هغه قضیې څېړي چې اړوند هېوادونه یې د څېړلو، په اړه د بې پرې پلټنو او پرېکړو توان نه لري او یا نه غواړي چې په دې اړه پلټنې وکړې.

Leave A Reply