ملګرو ملتونه وايي، طالبان سولې ته لېوالتیا نه لري

0 1,233

 

ملګرو ملتونو په یوه راپور کې لیکلي، وسله‌وال طالبان له افغان حکومت سره د سولې خبرو اترو ته لېوالتيا نه لري.
د ملګرو ملتونو د امنيت شورا د بندیزونو د څار ډلې له‌خوا په دې خپور شوي راپور کې راغلي، سره له دې چې په تېر جګړه‌ييز موسم کې طالبانو ډېر تلفات وليدل، خو د هغوى جګړه‌ييز قوت کم نه شو او اوس هم په افغانستان کې د پام وړ وسله‌وال لري.
سرچينې لیکلي، له القاعدې سره د طالبانو اړيکې اوس هم د پخوا په څېر پياوړې دي، د القاعدې ډېرى وسله‌وال چې په افغانستان او پاکستان کې يې فعاليتونه کول، اوس له طالبانو سره يو ځاى شوي او د طالبانو جګړه‌ييز ځواک يې پياوړى کړى دى.
سرچينه زیاتوي، طالبان اوس هم د افغانستان او پاکستان ترمنځ د ډېورنډ فرضي کرښې په اوږدو کې قبايلي سيمو کې له خپلو خوندي مرکزونو ګټه پورته کوي.

Leave A Reply