د تدارکاتو د کمیسیون لخوا شاوخوا پنځه سوه شرکتونه بلاک لیسټ شوي/ مجید قرار

0 784

له لومړي سره تر اوسه د تدارکاتو د کمیسیون لخوا شاوخوا پنځه سوه شرکتونه بلاک لیسټ شوي چې هر یو یې یا د وکیل دې، یا د جهادی رهبر دی، یا د بل قومي دلال دی. دا کار ولسمشر د داسې کمیسیون په وسیله کړی چې هم سیګار، هم د حکومت ټول غړي، هم وکیلان او هم کله کله د مدني ټولنې غړي نېغ په نېغه پکې ناست وي او نظارت یې کوي. دا شرکتونه نه د قومونو دي، نه د سمتونو دي، نه د ولایتونو دي. دا د اشخاصو شرکتونه دي. مشکل یې دا دی چې حاجي صاحبان او وکیل صاحبان اوس په زغرده دا نشي ویلای چې زما شرکت فاسد و، بلاک لسټ شو، له ملیونونو ډالره غلا محروم شوم، نو دا ناره یې را پورته کړې چې زما پر قوم ظلم روان دی. هلکه د دې شرکت څومره عواید تا په قوم مصرفول؟ کوم قوم ستا د شرکت له فاسدو عوایدو ګټه لیدلې خو تر ټولو مخکې دې د همدې قوم له پروژې غلا کوله او د همدې قوم سړک او ودانۍ دې بې کیفیته جوړوله. یو باریک تفکیک ضرور دی. ولسمشر غني د تدارکاتو د کمیسیون له لارې نه یواځې سپما کړې، بلکې د دوی په نامشروعو عوایدو یې فشار را وړی، خو د دوی د سیاسي نفوذ په برخه کې یې لا اقدام نه دی کړی. یعنې ددوی پر عوایدو یې ګورت را ټینګ کړی، خو د دوی پر قدرت یې نه لا دی. چې کېدای شي همدا به یې غوره لاره وي.

Leave A Reply