د شینکۍ کړوخېلې اشتباه دا وه / مجید قرار

0 609

د شینکۍ کړوخېلې اشتباه دا وه چې په بهرنیو چارو وزارت یې د یوې ملي ادارې خیال کړی و او خپل وزارت ته یې مکتوب لېږلی و چې د کاناډا له مقاماتو سره د ملاقات د وخت نه ورکولو له امله متقابل چلند وکړي. هغې فکر کړی و چې ګواکې خپل وزارت دی، د افغانستان د حیثیت خیال به ورسره وي. په لنډه غرو د ملت پالنې او ملي ارزښتونو د قدر کولو باور کول هغه ستره تېروتنه ده چې زموږ ټول مشران یې بیا بیا تکراروي. لنډه غرو ته نه ملي حیثیت او وقار، نه د خپلې ادارې وقار او حیثیت او نه حتی خپل حیثیت او وقار مهم دی. د هغې دغه مکتوب یې چې د بهرنیو چارو وزارت آرشیف ټاپه کړی او خوندي کړی و، د دې لپاره را و ایست چې د خپلې سفیرې اعتبار د کوربه هېواد په مقابل کې را ټیټ کړي او د سفیرې ګناه دا وه چې لنډه غره نه وه. دلته یې تاسې درک لګولای شئ چې د بهرنیو چارو وزارت څومره ملي دی او تر کومه حده به پر نړیوال پرستېج د افغانستان د حیثیت او وقار دفاع او ساتنه وکړي. اوس خبره د ولسمشر پر مېز پرته ده چې آیا غواړي افغانستان هر ساعت او هره ورځ دغسې بې حیثیته او بې وقاره شي او که د بهرنیو چارو وزارت له چارواکو د افغانستان د سپک شوي حیثیت پوښتنه کوي.

Leave A Reply