استاد سعدالدين شپون ومړ

0 1,218

د وطن نامتو ليکوال استاد سعدالدين شپون تېره شپه د امريکا د ويرجېنيا ايالت په يوه روغتون کې د ۸۴ کالو په عمر وفات شو.
دی له څه مودې راهيسې د ناروغۍ پر بستر پروت و.

استاد شپون په پښتو نثر او په تېره بيا داستاني ادبياتو کې نوموتی ليکوال ګڼل کېده. ارواښاد شپون خپلې لومړنۍ زده‌کړې د کندز په خان‌اباد ولسوالي کې کړې وې، د لېسې دوره یې د کابل په حبیبیې کې پای ته رسولې وه او په متحدو ایالتونو کې یې ماسټري اخیستې وه.

استاد شپون د افغانستان د علومو اکاډمي غړیتوب درلود او شاوخوا ۲۰ کاله يې په امریکا غږ راډیو کې د خبریالي دنده لرله.
د و، نه و، يو شپون و، شین ټاغی، د بنګي غاړه، ګټیالی، د سمڅې ياران، د مچۍ ځاله او ښايستو په ګډون یې ځينې داستاني اثار چاپ شوي دي. پرخه پر ترخه د استاد شعري ټولګه وه.

د دې تر څنګ يې له څو کالو راهيسې په تاند وېبپاڼه کې ګڼې ادبي، فرهنګي او ټولنيزې ليکنې خپرېدې.
په واشنګټن کې د افغانستان سفارت ويلي، ولسمشر غني هېواد ته د استاد شپون د جنازې د لېږد لګښت په غاړه اخيستی دی.

Leave A Reply

Your email address will not be published.