د طالب دښمني له دې ملت او د دې ملت له پلویانو سره ده

0 410

د ټالیب جګړه د شرق او غرب او سیکولر او لاسپوڅي او اشغالګر او ظلم پر خلاف نه ده، په رب ذوالجلال چې هیبتوف د وطن د ګټو خبره وکړي هم دوی به یې ووژني. د دوی دښمني له دې ملت او د دې ملت له پلویانو سره ده. مولوي ظاهر حقاني نه اشغالګر و، نه یې د امریکا تابعیت درلود، نه سیکولر و، نه یې په چا ظلم کړی و. د هغه وسله دلیل و او ټالیب د دلیل زور نه درلود، ځکه یې د دلیل او منطق ځواب په وحشت او ځناورتوب ورګړ. د هغه مړینه هغه نظام ته هم پيغور دی چې خپل دښمنان په زرهې موټرو کې ګرځوي او ساتي او خپل دوستان یې دښمن ته دوه لاسه په میدان پرېښي. پر هغو اورګانونو دې هم لعنت شي چې تبلیغاتي بودیجه یې د هشت صبح او طلوع په خماریانو او د وزیر اکبرخان د لوطیانو په پارټیانو لګېږي او د عالم او قومي مشر تبلیغ او وینا د رضاکار او وزګار دنده ورته ښکارېږي. کومه دنده چې د نظام لپاره حق ویونکي علماء په یوه وینا ترسره کوي د طلوع تلویزیون دری زره تجارتي اعلانونه یې هم نشي، خو د طلوع او هست صبح لپاره هره میاشت ملیونونه شته، د یوه عالم د ساتلو لپاره یو زرهې موټر نشته. شرم ک‌‌‌‌‌‌ډه کړې ده.

 

مجید قرار

Leave A Reply