یو افغان محصل په هندوستان کې د پوهنتون د زرګونو محصلانو د سر کتار ته ووت

0 2,514

یو افغان محصل په هندوستان کې د پوهنتون د زرګونو محصلانو د سر کتار ته ووت:
د هندوستان د (Himachal Pardesh university HPU) پوهنتون د زرګونو محصلانو په منځ کې د اقتصاد پوهنځۍ افغان محصل، لقمان ستانکزی د سر کتار کې ځای ونیو.
ښاغلی لقمان ستانکزی ۲۲ کاله عمر لري او د کابل د سروبي ولسوالۍ اوسیدونکی دی.


له دعوت میډیا سره په خبرو کې، لقمان ستانکزي وویل، چې هغه په ۲۰۱۶ کال کې په دغه پوهنتون کې د اقتصاد په څانګه کې د لیسانس زده کړې پیل کړي دي.

ویل کیږي، چې نوموړي پوهنتون د سیاسي علومو، سافټ ویر، انجینرۍ، بزنس اډمینسټرېشن، ارواپوهنې، او انسان پیژندنې یا انتروپولوجۍ په څانګو کې د لیسانس، ماسټري او دوکتورا په کچه د زده کړو پروګرامونه پر مخ بیایي.
لقمان ستانکزی وایي، چې د مارچ په نهمه نوموړي پوهنتون کې ځانګړی پرواګرام جوړ شوی ؤ، چې د محصلانو د تېر کال تحصیلي لاسته راوړنې په کې ارزول کیدلې نوموړی د پوهنتون د زرګونو محصلانو په منځ کې د هغو ۱۵ محصلانو په کتار کې راغی چې فیصدي یې له ۱۰۰ څخه ۸۵ وو.
آخر کې ښاغلي لقمان ستانکزي د هندوستان میشت افغان سفیر ښاغلي ابدالي څخه مننه هم وکړه، چې په نوموړي پروګرام کې یې ګډون کړی ؤ او هغه یې په ستاینلیک وستایه.

Leave A Reply