افغان ساینس پوه او د اټومي انرژۍ مشر پوهاند ډاکتر عبدالحی نظیفي د تل لپاره له مونږ بیل شو / دعوت میډیا ۲۴

0 868

افغان ساینسپوه او د اټومي انرژۍ مشر پوهاند ډاکټر عبدالحی نظیفي د تل لپاره لۀ موږ بېل شو:

پوهاند ډاکټر عبدالحی نظیفي د قاضي محمد نظیف زوی د ننګرهار ولایت د چپرهار ولسوالۍ د قاضیانو د کلي اصلي اوسیدونکی پۀ ۱۳۲۰ لېږدیز لمریز کال پۀ کابل ښار کې زېږېدلی دی. پوهاند صیب نظیفي خپلې لومړنۍ زدکړې د چپرهار پۀ لمړني ښوؤنځي کې پۀ کال ۱۳۲۶ لمریز کې پیل کړې او پۀ کال ۱۳۴۰ ل. کې د کابل دارالمعلمین څخه وتلی دی. پوهاند نظیفي پۀ کال ۱۳۴۱ ل. کې د کابل پوهنتون ساینس پوهنځي کې شامل او پۀ کال ۱۳۳۴ ل. کې د فزیک ۀ څانګې وتلی او پۀ همدې کال کې بیرته د کابل پوهنتون د ساینس پوهنځي کې د استاد پۀ توګه منل شوی دی. نومؤړی په ۱۹۶۸ زېږدیز کال کې د پخوانۍ یوګو سلاویا د بلګراډ ښار ته د لؤړو زدکړو لپاره تللی او د اټومي‌فزیک پۀ څانګه کې یې د ډوکټورا تر عالي سویې پورې زدکړې کړې دي.‌ نومؤړي پۀ کال ۱۹۷۴ ز. کې لۀ زدکړو څخه وروسته بېرته هیواد ته راستون شوی او کابل پوهنتون کې یې د استادي دنده درلوده، چې د اکاډمیکو څېړنو پۀ ترڅ کې یې د پوهاندي تر لؤړې رتبې پورې عملي رتبې ترلاسه کړې دي. پوهاند نظیفي لۀ ۱۹۸۳ ز. څخه تر ۲۰۰۲ ز. کال پورې د اتریش پۀ ویانا کې د نړیوال اټومي انرژي آژانس کې د سیف ګارډ د مفتش پۀ توګه دنده ترسره کړې ‌او لۀ ۲۰۰۲ ز. څخه تر اوسه پورې پۀ کابل پوهنتون کې د هستوي او اټومي فزیک د استاد پۀ توګه دنده تر سره کوله.‌

د پوهاند صیب نظیفي تر سلو زیات علمي آثار پۀ ملي او نړیوالو اکاډمیکو مطبوعاتو کې چاپ شوي.‌
نومؤړي پرون د ورپېښې ناروغۍ لۀ کبله پرون د ترکیې پۀ یؤ روغتون کې ساه ورکړه.
اروا یې ښاده، پر ګور یې نور او لارویان یې پرېمانه.

Leave A Reply