په هوايي ژمنو او غونډو د خپلو خلکو او ولس تیر ایستل تر کومه!؟/ اجمل اند

0 335

ښايي چارواکي په تشو غندنو، په روغتونو کې د ټپیانو په پوښتنو، او اعلامیو، د خلکو د سرو مال په ساتنه کې خپله بې کفایتي تر ډېره توجیه نه کړی شي.
د مجهولو او ناڅرګندو ترهګرو ډلو په نوم د خبریالانو وژل، د رسنیو ویرول دي. د ابهام خپرول دی او د یوې داسې تیارې جوړول دي چې خلک په کې دوست او دښمن ونه پیژني.
له کوم کوټلي او سنجول شوي امنیتي پلان پرته د رای ورکونکو د نوم لیکنې د مرکزونه ناڅاپي پرانیستل، په لوی لاس قتلګاوو ته د خلکو بیول دي.

حکومت کمزوری نه دی بلکې په لوی لاس کمزوری عمل کوي. ادارې لري، امنیتي او استخباراتي بنسټونه لري، د چلولو لپاره یې کافي بودیجه لري، سلګونه زره مجهز سرتیري لري، الوتکې ، زغروال ګاډي او وسایل لري، خو د افغانستان په هیڅ ګوټ د خوندیتوب احساس نه شته. له هیڅ لورې د امنیت په برخه کې د کوم پرمختګ خبر نه شته، او که شته د دروغو ادعاوې او د خلکو تیر ایستل دي.

د خلکو د سرومال خوندیتوب د حکومت لومړنۍ دنده ده، او خلک په دې برخه کې غندنې نه بلکې کوټلي اقدامات او څرګند نتایج غواړي.

د سولې په درواغجنو هڅو، د ملي او نړیوالې اجماع په ناڅرګندلټون او د اصلاحاتو په نوم په هوايي ژمنو او غونډو د خپلو خلکو او ولس تیر ایستل تر کومه!؟

Leave A Reply