- راصد ځواک
- بي بي سي
د پاکستان حکومت د دغه هېواد د لومړي وزیر شهباز شریف په مشرۍ له افغانستانه د ډبرو سکرو د وارداتو په اړه یوه مهمه غونډه ترسره کړې ده.
د شهباز شریف دفتر پر خپله رسمي ټویټرپاڼه لیکلي چې دې ناسته کې له افغانستانه د ډبرو سکرو د لېږد چارو د ښه کېدو پر څرنګوالي بحث وشو.
سرچینې زیاته کړې، “لومړي وزیر ته وویل شول چې په لومړي ګام کې له افغانستانه یوازې د ساهیوال (پنجاب) او حب (بلوچستان) برېښنا فابریکو د اړتیا وړ سکرو په واردولو سره به، هر کال له وارداتي لګښته دوه اعشاریه دوه میلیارد ډالر وسپمول شي.”
د پاکستان د لومړي وزیر دفتر وايي هغه د اورګاډو وزارت ته سپارښتنه کړې چې د برېښنا فابریکو ته له افغانستانه د وارېدېدونکو سکرو د ژر رسیدو ډاډمنتیا لپاره اړین ګامونه پورته کړي.
ښاغلي شریف له افغانستانه د سکرو د وارداتو چټکېدو لپاره د دفاع وزیر خواجه اصف په مشرۍ د ټولو اړوندو چارواکو د یوې کمېټې د جوړېدو لارښوونه هم کړ ې.
پاکستان چې دمګړۍ پکې د تېلو او برېښنا بیې په بې مخینې توګه لوړې دي، هیله من دی چې له افغانستانه د ډبرو سکرو واردات به ورسره ارزانه برېښنا ته لاسرسي کې مرسته وکړي.
دغه هېواد کې د برېښنا د کمښت له کبله پرچاوۍ هم ډېرې دي او د رپوټونو له مخې ځینې سیمو کې یې ساعتونه ساعتونه برېښنا نه وي.
پژواک خبري اژانس لیکلي چې پاکستان د برېښنا د تولید فابریکو لپاره ۷۰ سلنه سکاره له سویلي افریقا واردوي چې هغه ورته په ډېره لوړه بیه پرېوځي.
روان کال د نړۍ په کچه د ډبرو سکرو بیې تر هغې وروسته د ریکارډ په کچه لوړې شوې چې لومړی یې تر ټولو ستر صادرونکي اندونیزیا یو ناڅاپه د صادراتو د درېدو اعلان او ورپسې روسیې پر اوکرایین یرغل وکړ.
افغانستان کې د طالبانو حکومت چې له تېر نظام سره په توپېر له نړیوالو مرستو چورلټ بې برخې دی، هڅه کوي چې خپل لګښتونه او بودیجه تر ډېره د کانونو له سکتوره لاس ته راوړي.
د طالبانو حکومت د کانونو او پېټرولیم وزارت وايي د جوزا یا غبرګولي له ۲۶مې د چنګاښ تر لومړۍ نېټې یوازې یوه اوونۍ کې یې څه باندې څلور سوه نهه ویشت میلیونه او پنځه سوه زره افغانۍ عواید راټول کړې دي.
د یادونې ده چې طالبانو د ډبرو سکرو پر صادراتو تعرفه هم له شل سلنې دېرش سلنې ته لوړه کړې ده.
رویټرز خبري اژانس تېره می میاشت کې د طالبانو حکومت د مالیې وزارت ویاند احمد ولي حقمل له خولې لیکلي وو چې دوی تر هغې وړاندې شپږو میاشتو کې د ۱۶ میلیارد افغانیو ډبرو سکرو له صادراتو شاوخوا ۳ میلیارد افغانۍ ګمرکي عواید ترلاسه کړي.
د طالبانو د کانونو او پټرولیم وزارت د عوایدو رییس مولوي محمد رسول عقاب هم بي بي سي ته ویلي و چې دوی د کانونو د استخراج له اړخه د تېر حکومت له شپږ میاشتو ډېر عواید اوس یوازې په یوه ورځ کې راټولوي.
رویټرز تېره میاشت د یوه جګپوړي پاکستاني چارواکي په حواله چې د سرچینې په وینا نه یې غوښتل نوم یې خپور شي، لیکلي و له افغانستانه یې د سکرو واردات ډېر شوي او یوه میاشت کې ۵۰۰ زره ټنو ته رسېدی شي.
د رپوټونو له مخې د افغانستان ډبرو سکاره پر پاکستان سربیره چین ته هم صادرېږي.
د یادونې ده چې د پاکستان د لومړي وزیر د دفتر پر ټویټرپاڼه له افغانستانه د ډبرو سکرو د وارداتو په اړه د دې ناستې د خبر تر خپرېدو وروسته د خواله رسنیو افغان کارنو ترمنځ په دې اړه تاوده بحثونه او بېلابېلې تبصرې پیل شوې دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.