د مزدورانو نړیواله ” علامتي ” ورځ

ليک: رحيم خان

189

پر یو (۱) می د وږو تږو مزدورانو نړیواله ورځ ده او سبا پر دوه (۲) می د ټونا (Tuna) نومي کبانو/ماهیانو د تحفظ لپاره ټاکل سوې نړیواله ورځ ده چي لوی تعداد یې د شتمنو خلکو د وږو خيټو و تاوده دوزخ ته هر ماښام لوېږي. دا نړی څومره تضادات لري !

د عالي طبقې روشنفکران او منوران به سبا بیا د مارکسيزم په مقدسه جامه کي د منځني کلاس و درنو اوريدونکو او لوستونکو ته د خوار او زار مزدوري طبقې د سرو وینو، سپینو خولو، وږي نسونو او تږي سترګو مقدمه بیانوي. سبا به حتماََ د کاپيټاليسټي نړی د لویو شرکتونو ګټه تر نورو ورځو زیاته وي او هم دا د سبا ورځ به تر ټولو زیاته د مزدورانو لپاره د تکلیف ورځ وي چي اجرت به یې بایللی وي.

ایا دا ویلی سو چي د ستر مارکس د سپېڅلي نظریې تر بطن راوتلی د اشتراکیت مست انقلاب او ورسره تړلې د مزدورانو نړیواله ورځ (ورځ په ورځ) خپل ارزښت له لاسه ورکوي؟

د امریکا د شکاګو له ښاره د را پیل سوي تعدي او هم د هغه بېعدالتی خلاف د مزدرانو د دې نړیوالي ورځ لمانځل په امریکا کي اوس هم د یو (۱) می پر ځای د سپتمبر په اوله اونۍ کي کیږي.

د ناتوانانو مزدورانو په سرو وینو را لوی سوي اشتراکي چین کي اوس هم مزدوران د سرو وینو قی وهي.

کمبوډیا چي یو وخت یې د اشتراکیت تر اثر لاندي مست وجود لرلی دی اوس د مزدورانو لپاره تر ژور دوزخ کم نه دی.

ویتنام هم د مارکس تر سپېڅلي نظریاتي اغېز لاندي د مزدورانو په تودو وینو دا وخت د سرمایه دار بازار یو مهم غړی جوړ سوی دی که یې څه هم د مزدورانو طبقه اوس هم د نظریې پر سره انګار د ځان غوښې پخوي او په خپلو اولادونو یې خوري.

د سعودو له عرب څخه نیولې تر امارات، کویت، پاکستان، هند، بنګال او افغانستان پوري داسي نور هم ډیر ملکونه سته چي د سهار پر اووه بجو یې مزدوران د تنور په تاوده سغر دنَنه کیږي او د ماښام پر اووه بجو له غوښو او هډوکو سره پاخه بهر را ووځي. د اتو (۸) ساعتونو لپاره کار کول اوس هم خوب دی او مزدور د خوب لیدلو حق نه لري !

سبا به بیا پر یو (۱) می څوک خوبونه کوي، څوک به یې خوبونه ویني او څوک به یې له خوبونو سره لوبي کوي. دا نړی څومره تضادات لري.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.