د روغتیا نړیوال سازمان په داسې یو وخت کې په افغانستان کې د شري ناروغۍ د خپریدو خبرداری ورکوي چې د دغه جګړه ځپلي هیواد تر نیمایي ډیر نفوس لا پخوا د خوراکي موادو د ګمښت له ستونزې سره مخامخ دی.
د روغتیا نړیوال سازمان (WHO) په افغانستان کې د شري یا سرخکان د خپریدو په اړه انديښنه ښودلې ده. د نوموړي سازمان ویاندې مارګارات هاریس، د جمعې په ورځ وویل چې په زرګونو کسان پر دغې ناروغۍ اخته دي او تر اوسه پورې شاوخوا ۹۰ تنه مړه شوي دي. د هاریس په خبره که د دغې ناروغۍ د کنترول له پاره جدي اقدامات ترسره نه شي، نو د دې خطر موجود دی چې د قربانیانو شمیر نور هم لوړ شي.
هریس وویل چې په ځانګړي توګه دغه بحران ځپلي هیواد کې د خوراکي توکو د شدید کمښت له امله د دې ناروغۍ د خپریدو خطر زیات دی: «د سوء تغذي ماشومانو له پاره شری لکه د مرګ په سزا محکومیدل دي.»
د روغتیا نړیوال سازمان د دغې ویاندې په خبره د روان عیسوي کال د پيل راهیسې د شري تر ۲۴۰۰۰ ډیرې پيښې تشخیص شوي چې له دې ډلې ۲۴۰۰ یې په لابراتواري معاینې کې هم تائید شوي دي. لږ تر لږه ۸۷ ماشومان د دغې ناروغۍ له امله مړه شوي دي.
د روغتیا نړیوال سازمان د څو اونیو راهیسې په افغانستان کې د «بشري بحران» خبرداری ورکړی دی، هغه هیواد چې د طالبانو واک ته تر رسیدو مخکې لا د بهرنیو مرستو پورې وابسته یا تړلی و.
د دغه سازمان په خبره د افغانستان د نفوسو تر نیمایي ډیره برخه په شدید ډول د خوراکي موادو له کمښت سره مخامخ ده.
میرمن هاریس خبرداری ورکوي چې د روان کال تر پایه پورې به تر ۳ میلیونو ډیر ماشومان چې تر پنځه کلنۍ د کم عمر درلودونکي دي، سوء تغذي يا خوارځواکي وي. د همدې عمر ماشومانو تر یوه میلیون ډیر یې د ولږې له خطر سره مخامخ دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.