ایران د بریتانیې له خوا د بالستیک توغندیو د آزمایلو غندل کیدو په ځواب کې ویلي «د خپل دفاعي پروګرام له پاره نه له چا اجازه اخلي او نه یي په اړه مذاکره کوي.» بریتانیي د ایران له خوا د بالستیک توغندیو آزمایل غندلي دي.
د ایران د بهرنیو چارو وزارت ویاند سعید خطیب زاده، د جمعې په ماښام (د دسمبر میاشتې ۲۴ نیټه) د «پیامبر اعظم ۱۷» په نامه د سپاه پاسداران له خوا ترسره شوو پوځي مانورونو کې د بالستیک توغندیو د ازمایل کیدو په اړه د بریتانوي چارواکو څرګندونې د «ایران په چارو کې مداخله» بللې ده.
هغه وویل: «ایران د نړیوالو قوانینو په چوکاټ کې د خپلو دفاعي ضرورتونو مطابق عمل کوي.»
د بریتانیي د بهرنیو چارو وزارت په خپله انټرنټ پاڼه کې د ایران د سپاه پاسداران په مانورو کې د بالستیک توغندیو آزمایل کیدو د غندنې ترڅنګ په یوه بیانیه کې لیکلي دي: «دغه آزموېنې په ښکاره ډول د ملګرو ملتونو د امنیت شورا د ۲۲۳۱ پریکړه لیک څخه سرغړونه ګڼل کیږي چې له ایران څخه غواړي د اټومي وسلو د لیږد توان درلودونکو بالستیک توغندیو په هکله هیڅ ډول فعالیت، د هغو له جملې څخه د بالستیک توغندیو له ټکنالوژۍ څخه په استفادې د توغوندیو آزموېنه ترسره نه کړي.»
د بریتانیي د بهرنیو چار وزارت په بیانیه کې راغلي دي: «دغه اقدامات سیمه ایز او نړیوال امنیت ته ګواښ دي او له ایران څخه غواړو چې په عاجله توګه دې دا ډول فعالیتونه ودروي.»
د ایران د بهرنیو چارو وزارت ویاند وویل: «د ایران توغندیز پروګرام د ملګرو ملتونو د امنیت شورا د ۲۲۳۱ پریکړه لیک او د هغه له احکامو سره هیڅ ډول ارتباط نه لري.»
د خطیب زاده په خبره: «ایران د پوځي موخو له پاره د اټومي انرژۍ د استفادې داسې هیڅ پروګرام نه لري چې وغواړي خپل توغندیز پروګرام د هغې له پاره پلان کړي.» د هغه له نظره «د سیمې پر هیوادونو د بریتانيي او نورو اروپایي هیوادونو له خوا د پرمختللو وسلو پلورل په سیمه کې نا امنۍ او بی ثباتۍ ته لمن وهي.»
د ایران د بهرنیو چارو وزارت ویاند همدارنګه وویل: «ایران د خپل دفاعي پروګرام له پاره نه له چا اجازه اخلي او نه یي هم په هکله مذاکره کوي.»
د سپاه مانورې؛ اسرائیلي چارواکو ته خبرداری
د ایران د سپاه پاسداران عمومي قوماندان حسین سلامي، د جمعې (د دسمبر میاشتې په ۲۴ نیټه) په ورځ د پوځي مانورو پروګرام په څنډه کې وویل: «د دغو مانورو پيغام د اسرائیلي چارواکو ګواښونو ته جدي، واقعي او ښکاره خبرداری دی.»
د اسوشیټډ پرس خبري آژانس د رپوټ پر بنسټ دغه مانورۍ چې د ایران په سویلي سیمو کې ترسره شوي دي، له ځمکې څخه ځمکې ته (له ۳۵۰ تر ۳۰۰۰ کیلومتره پورې) د منځني واټن ویشتونکي عماد، قدر، سجیل، زلزال، دزفول او ذوالفقار ډول ۱۶ بالستیک توغندي وتوغول شول.
د ایران د بهرنیو چارو وزیر حسین امیر عبداللهیان، هم په خپل اینستاګرام کې لیکلي دي، د سپاه پاسداران مانورې «دوست او ګاونډیو هیوادونو ته د امنیت او ورور ولۍ پيغام» درلودونکی دی. نوموړي تر اوسه پورې خپل نظر نه دی څرګند کړی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.