په پاکستان کې امریکایي اډې

پاکستان دوه اډې د امریکا ډرون الوتکو ته په پنجاب او بلوچستان کې ورکړي دي. په نوموړو اډو کې په سلهاوو ډرون الوتکې له امریکایي او پاکستاني انجنیرانو سره ښکته او پورته کیږي.

پنچاب په تېرو څلویښتو کلونو کې په افغانستان سیاسي تجارت کړئ او کوي یې، هیڅکله قوي او ازاد افغانستان نشي زغملي، تل یې د افغانستان دورانۍ او کمزورۍ لپاره هڅې کړي او کوي یې.

په 1980 کلونو کې یې زمونږ سړکونه،  بندونه او ښوونځي ورانول.

په 1990 کلونوکې یې دوې ځلې د افغانستان حکومتونه ړنګ کړل، زمونږ ملي اردو یې له منځه یوړه او زمونږ ټول جنګي تجهیزات یې دخپلو غلامانو په واسط کباړ کړل.  پنجاب په 2001 کال افغانستان په امریکا خرڅ کړ، خو په دې خرڅلون ځکه خوښ نه وو ، چې وران شوي ښارونه بیرته جوړشول، ددوی په لاس وران شوي ښوونځي بیرته ورغول شول او دا کار هیڅکله پنجاب ته د منلو وړ نه وو. پنجاب او امریکا  دغني د حکومت په وروستیو کلونو کې په ګډه یو بله دسیسه رامخ ته کړه او هغه داچې طالبان او د غني حکومت یې په جنګ جګړه کې مخامخ کړل او کوښښ یې کاوه چې ترهغه یې وجنګوي ترڅو ښارونه یوځل بیا په لوټه بدل کړي.خو ولسمشر غني ونه غوښتل چې کابل یوځل بیا دپنجاب په خوښه په لوټه او خاورو بدل شي، له جنګه یې لاس واخیست او له ملکه ووت. دغني دې کار هم پنجاب او هم امریکا سخت په غوصه کړل ، لاتر دې چې په غني یې د میلونونو ډالرو دتېښنې تورونه هم ولګول چې وروسته بیا سیګار په خپله اقرار وکړ چې غني پیسې نه دي تښتولي.

کابل او دښارونو نه ورانېدل پنجاب او امریکا هک پک حیران کړل او دوی خپل هدف ته ونه رسېدل، اوس دا منافقان د افغانانو لپاره دیوبل جنګ او دسیسو په جوړولو بوخت دي، چې له دې دسیسو څخه یوه هم  امریکایي اډو ته په پنجاب او بلوچستان کې ځای ورکول دي ترڅو له دې لارې خپل هدفونه په افغانستان کې ترسره کړي او یو څه یې ډک زړونه تش شي.