حتمي شخړې او جنجالونه

ژوند پر ستونزو پرلپسې برلاسي ده ،دا لکه د سيند څپو خلاصی نه لري،ياني په ژوند او کاروبار کي برياليتوب ته د رسيدو لپاره بايد د ستونزو او خنډونو له سيلاب سره مخ شئ،لنډمهالي ماتي او سختې تجربه کړئ،او دا کار د نظم او پر ځان برلاسي په مرسته کولای شئ

زیاتره وخت چي تاسو څه فکر کوئ ،همغسي کيږئ په هره برخه کې بريالي خلک هغه دي چې حللاري لټوي،دوي زياتره وخت پر حللارو فکر کوي ،بريالي خلک دي پسي نه ګرځي چي چا څه کړي يا يي نه دي کړي،دوي په هره برخه کې پر حللارو فکر کوي او ګوري چې د ستونزې د حل لپاره څه کولای شي ،

حتمي شخړي او جنجالونه ،دا ياد ساتئ چې ځيني شيان هيڅ چاره نه لري ،دا ستونزې نه وي ،دا د ژوند حقايق دي،

زياتره وخت ځيني شيان ستونزه او خنډ ښکاري،خو په اصل کې د بدلون فرصت وي،ځيني وخت د ستونزې حل ته هيڅ اړتيا نه وي،بلکي دا يو فرصت وي

په ژوندکي به د فزيکي ،مالي،کورنيو،کاروباري،او سياسي ستونزو له سيند سره مخ کيږئ،په دي روانو ستونزو کې به يوازيني دمه کله کله شخړي وي،که تاسو عادي ژوند کوۍ،په هرو دوو درييو مياشتو کي به حتمآ يوه شخړه تجربه کوئ،او په همدي شخړو کي به مو د شخصيت کيفيت او د کرکټر قوت معلوميږي،

،

تاسو چې له همدي ناڅاپي شخړو او خنډونو سره مخ شئ،په همدي وخت کي نړی ته خپل اصليت او قوت ښيئ،ژوند ټول امتحان دي ،يوازيني پوښتنه پکي دا ده چې بريالي به شي که ناکام ؟

تکړه او بريالي خلک دا وړتيا لري چې ستونزو ته اغيزناک غبرګون وښيي ،ارام وي او ليدلوری يي روښانه وي،دوي ځان ارام ساتي او احساسات نه کاروي،دا وړتيا په روښانه فکر ،بي طرفه تحليل او ښو پريکړو کي مرسته ورسره کوي،تکړه خلک پوهيږي چې هره ستونزه د پر ځان باور او ځان کنټرول د ودي يو فرصت دی،اصلا تاسو په ژوند کي د هغو ستونزو په مرسته پورته ځئ چې د حل وړتيا يي لرئ.