هغه وويل چې په دې خبرو کې امينه محمد «د بشري حقونو د رعايت پر اړتيا ټینګار وکړ په ځانګړي توګه د ښځو او نجونو په برخه کې». زياته شوې چې هغې د مرستندويه ټولنو د ښځو کارکوونکو د کار په برخه کې د استثنا له کبله خوښي څرګنده کړې ده.
طالبانو په دې وروستيو کې په مرستندويه ټولنو کې د ښځو پر کار بندیز لګولی وو خو بيا وويل شول چې ښځې کولی شي د روغتيا په برخه کې بيرته خپل فعاليتونه پېل کړي.
امينه محمد کابل ته تر سفر دمخه په ترکيه، قطر او پاکستان کې له چارواکو سره هم د افغان ښځو د وضعيت په اړه خبرې اترې وکړې چې فرحان حق په دې ډول خلاصه کړي: «د ښځو او نجونو د کار او زده کړو د لاس رسي پر حق ښکاره اجماع موجوده وه.»
په داسې حال کې چې د ملګرو ملتونو وياند د هغو چارواکو نومونه په ډاګه نه کړل چې د دغه سازمان مرستيالې مشرې ورسره ليدلي دي، خو په کابل کې د طالبانو د حکومت د بهرنيو چارو وزارت وياند ويلي دي چې نوموړې د بهرنیو چارو له وزير امير خام متقي سره ملاقات درلود.
د طالبانو د بهرنيو چارو وزارت له خوا په خپره شوې اعلاميه کې د متقي له قوله راغلي دي چې په رسميت نه پيژندل کیدل، د طالبانو پر سفر بندیزونه او همدا راز پر بانکونو بندیزونه د ستونزو د رامنځته کیدو باعث ګرځي چې نړيوال بايد دغه څه ته پاملرنه وکړي.
هغه زياته کړې چې ښځو ته د زده کړو او روغتيا په برخه کې د کار اجازه ورکړل شوې ده.
په دسمبر مياشت کې طالبانو په غير دولتي سازمانونو کې د ښځو پر کار بندیز ولګاوه چې له دې کبله ډېرو سازمانونو خپل فعاليتونه وځنډول.
خو اوس درو سازمانونو د طالبانو له خوا د دې ضمانتونو د ترلاسه کولو وروسته قسماً خپل کار بيرته پېل کړی دی چې ښځې د روغتيا په برخه کې کار کولی شي.
دویچه ویله
////////////////////////////////////////////////////////////////////////
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.