د نیویارک ټایمز په وینا په دغو اسنادو کې د نورو ترڅنگ د روان کال په پسرلي کې د روسیې پر وړاندې د اوکراین له نظامي حملې څخه د متحده ایالاتو او ناټو د ملاتړ د طرحې په هکله معلومات شامل دي.
د پنټاگون ویاند کریس میگر ویلي دي چې دا کار کیدای شي د «ناسمو اطلاعاتو د خپرېدو» سبب شي. هغه زياته کړېده:«د دې ستونزې د رامنځته کیدو او ابعادو په هکله یي زمونږ څیړنې دوام لري.» نوموړي زیاته کړې ده چې دا مسئله هم باید و ارزول شي چې دا ډول اطلاعات «څنگه او کومو کسانو ته ویشل کیږي.» مگر د خپرو شوو اسنادو د ریښتینولې په هکله يې څه ونه ویل.
مخکې تر دې د امریکا متحده ایالاتو محرم استاد یو د بل پسې په ټولنیزو شبکو تویتر، تلگرام، دیسکور او څو نورو شبکو کې خپاره شول. د نیویارک ټایمز په وینا دغه اسناد د روسیې د پلوي کانالونو له طریقه خپاره شوي دي.
ورځپاڼې یادونه کړې ده چې په دغو اسنادو کې د نورو ترڅنگ اوکراین ته د وسلو د استولو په اړه جزویات، د پوځي قطعاتو د قدرت او توان او نور ډیر حساس اطلاعات شامل دي. سربیره پر دې یو د دغو اسنادو گواکې په خلاصه ډول د اوکراین د دولسو جنگي بریگاډونو د روزنې طرحه رانغاړي.
د اوکراین د امنیت او دفاع شورا مشر الکسي دانیلوف، د المان «ای ار ډی» راډیو- تلویزوني شبکې سره په مرکه کې دا خبره رد کړې ده چې گواکې اوکراین د خپل پوځي طرحې د محرمو اسنادو افشا کیدو له کبله خپلې پوځي طرحې تغیر کړي دي. نوموړي ویلي دي چې د متقابلو بریدونو له پاره پریکړې په وروستیو شیبو کې نیول کیږي. دانیلوف زیاته کړې ده: «دا تصور چې مونږ یوازې یو انتخاب لرو له واقعیت څخه لیري خبره ده. حتی دری انتخابه هم کم دي».
کیربي ویلي دي چې بهر ته د محرمو اسنادو د افشا کېدلو په هکله تیره اونۍ ولسمشر جو بایډن ته اطلاع ورکړل شوې ده: «مونږ نه پوهیږو چې کوم کس یا کسان مسئول دي او مونږ نه پوهیږو چې هغوی نور اسناد هم په اختیار کې لري چې وغواړي خپاره یې کړي او که نه؟» نوموړي زیاته کړه «آیا دا کیدای شي زمونږ د اندېښنې کولو له پاره یو دلیل واوسي؟ بلې هو کیدای شي».
امریکایي رسنۍ اټکل کوي چې دغه اسناد به د مسکو له پاره ډیر زیات ارزښت ولري، ځکه دا ښيې چې د امریکا متحده ایالاتو استخباراتي ادارې تر کوم حده د روسیې د نظامي دستگاه په څانگو کې نفوذ لري.
د محرمو اسنادو خپریدل په افغانستان او عراق کې د امریکا متحده ایالاتو د نظامي فعالیتونو په اړه د هغو ۷۰۰ زره محرمو اسنادو یاد تازه کوي چې د ویکیلکس افشاگرې انټرنټي شبکې له طریقه په ۲۰۱۰م کال کې خپاره شوي ول. په هغو اسنادو کې د امریکایي ځواکونو له خوا د ملکي خلکو د وژلو او له بندیانو سره د ناوړه چلند په هکله معلومات ذکر شوي وو.
امریکا متحده ایالات دغه هیواد ته د ویکي لیکس انټرنټ پاڼې د ۵۱ کلن بنسټ ایښودونکي جولیان آسانژ د سپارل کیدو غوښتنه کوي چې اوسمهال په لندن کې د شدیدو امنیتي تدابیرو لاندې یوه زندان کې ژوند تیروي.
دویچه ویله
***************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.