د روغتیا نړيوال سازمان د چهارشنبې په ورځ خبرداری ورکړ چې د اومیکرون «ډير لوړ» خطر لا هم موجود دی او دا کیدای شي د روغتيايي خدماتو سیستمونه مغلوب کړي. د کرونا اومیکرون بڼې خپریدل په ډيرو هیوادونو کې د ريکارډ سبب شوې ده.
د تیرې اوونۍ په جریان کې د نړۍ په سطحه د کرونا مثبتې پيښې ۱۱ سلنه ډيرې شوي دي. دې سره د چين، آلمان او فرانسې په څير هیوادونو حکومتونه له ستونزو سره مخ کړي چې څنګه د کرونايي محدودیتونو او د اقتصادي او ټولنیز فعالیتونو د آزاد پریښودو تر منځ توازن رامنځ ته کړي.
هالند او سويس ويلي دي چې اوميکرون يې پر هیوادونو غلبه کړې ده. ځینو مطالعاتو ښودلې چې دغه وضعیت د خفیفې کويډ ۱۹ سبب ګرځیدلی شي او د روغتيا نړیوال سازمان بيا د احتیاط څخه د کار اخیستنې سپارښتنه کړې ده.
د روغتيا نړیوال سازمان د کويډ ۱۹ اړوند په خپل تازه اوونیز رپوټ کې ويلي دي چې «د اومیکرون نوې بڼې په اړه د عمومي خطر اندېښنه لا هم په ډیر لوړ حد کې پاتې دي.»
د فرانسې خبري آژانس د دغه سازمان له قوله زیاتوي: «موجوده شواهد ښيي چې د اومیکرون بڼې د رشد وخت، د دلتا بڼې په پرتله له دوو تر درې ورځو پورې دوه برابره دی.»
د روغتیا نړیوال سازمان ارقام ښيي چې په اوس وخت کې بريتانيا، سويلي افریقا او دنمارک د نړۍ په سطحه د ابتلا تر ټولو لوړې پيښې لري، خو دوی ويلي دي چې په روغتون کې د بستري کولو له اړخه د ديلتا په پرتله د اومیکرون خطر کم دی.
خو دوی زیاته کړې ده چې د اومیکرون د واقعي شدت باندې د پوهیدو له پاره لا ډيرو معلوماتو او تجربو ته اړتیا شته.
په اروپا کې د روغتيا نړیوال سازمان د کرونايي پیښو مسئولې، کترینا سمالوود خبری داری ورکوي چې د دغو څيړنو باوجود د اومیکرون رشد چټک دی او دا کیدای شي په لوړ شمیر کې د ناروغانو د بستري کيدو سبب وګرځي په ځانګړې توګه په هغو افرادو کې چې واکسین شوي نه دي.
د اروپا په اړه ویل کيږي دغه لويه وچه يو ځل بيا د کرونا وبا په مرکز باندې اوښتې ده. فرانسې، بریتانیا، يونان او پرتګال د سه شنبې په ورځ د پيښو لوړ ريکارډونه درولود. فرانسې رپوټ ورکړی چې په تیرو ۲۴ ساعتونو کې ېې په کرونا ناروغۍ د ابتلا ۱۸۰ زره پيښې ثبت کړي دي.
د کرونا ويروس باندې د اخته کیدو لومړنۍ پیښه د ۲۰۱۹م کال په وروستیو کې په چین کې ثبت شوه چې بیا دغه ویروس د نړۍ نورو برخو ته هم ورسید. دغې ناروغۍ تر اوسه په نړۍ کې د څه باندې ۵ اعشاريه ۴ ميلیونه انسانانو ژوند اخیستی دی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.