د افغانستان د کرېکټ ملي لوبډلې د تاريخي اتلولۍ په مناسبت د ملي محور ګوند د مبارکۍ پیغام
د ۱۴۰۳ کال د چنګاښ ۷مه
د افغانستان د کرېکټ ملي لوبډلې مشرتابه، اتلو لوبغاړو، او مینه والو ته!
سږکال د کرکټ په شل اووريز نړيوال جام کې نړۍ د تېر په څېر يو ځل بيا د افغانستان د ملي لوبډلې د اتلوليو او برياوو شاهده وه. په دې تاریخي لوبو کې چې زموږ اتلانو په لومړي ځل د نړۍ ډېرې پياوړې لوبډلې ماتې کړې او نیمه پایلوبې ته يې لاره وموندله، موږ د ملي محور ګوند په استازیتوب ستاسو د بې ساري هڅو او لاسته راوړنو ستاینه او مننه کوو. تاسو يو ځل بيا له خپل هېواد سره د ژورې مينې په برکت او د کلک هوډ او زيار په مټ خپله اتلولي وښودله، د هېواد نوم مو په نړۍ کې لوړ کړ، د خپلو هېوادوالو زړونه مو وګټل او له سختو ورځو سربېره مو د دوی پر شونډو د خندا او خوشحالۍ څپې ونڅولې.
ستاسو دا بریا د افغانستان د خلکو لپاره یو نه هېرېدونکی ویاړ او د هر افغان د زړه خوښي ده. موږ په ټوله کې هېوادوالو ته دا پیغام ورکوو چې افغانان له هېچا کم نه دي او دا بریا زموږ د یووالي، همغږۍ او متانت سوله ييز سمبول دی. دا د هغو ځوانانو لپاره هم الهام دی، چې غواړي په راتلونکي کې د خپل ګران هېواد لپاره په بېلابېلو برخو کې وياړونه او برياوې وګټي.
موږ ستاسو ته د نورو بریاوو هیله کوو او په راتلونکو لوبو کې به هم د تل په څېر زموږ دوعاګانې درسره مل وي.
د لا زياتو برياوو په هيله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.