د باچا خان ځانګړنې

نن د عدم تشدد په موخه د خدایي خدمتگار ټولني بنسټګر او پښتون مبارز باچا خان د مړيني ۳۴ تلين دی، باچاخان د انگرېزي استعمار په وړاندي د وخت نوموتي سياستوال چي د انگرېزي اشغال په وړاندي يې مبارزې کړي او ۳۹ کاله زندان او تبعید يې ګاللی دئ.

باچاخان سل کاله وړاندي پښتني ټولنه کي د اصلاح په موخه انقلابي هڅي پېل کړې او اکثره به ئې له ځانه پېلولې، روايت دئ چي ده به بې بيي شی له چا نه اخيست/نه غوښت او نه به ئې چاته بې بيې څه ورکوله، دا کار باچا خان په پښتنو كښې ځکه کاوه چي زموږ ټولنه يو ډول د مفت خورۍ په مرض اخته سوې وه او لا هم ده.

 يو ځل په کوټه [پښتونخوا] كښي باچاخان د سياسي سفر وروسته ملګرو رخصتاوه، کله چي هلته ده د خپلو جامو غوټه وکتله؛ په غوټه كښي چي هر وخت به دوې جوړې جامې، دوه څادره او دوې جوړې جرابي وې؛ خو يوه جوړه جرابي پکښي نه وې، نو باچاخان د خپلو جرابو پوښتنه وکړه چي زما جرابي ولي نسته؟

نو لږ پرېشاني جوړه سوه، کوربه په منډه د کوټي ښار [جناح روډ] څخه يوه جوړه نوي جرابي راوړې، کوربه ورته وويل چي: باچاخان دادی نوي جرابي مي راوړې، ده ورته وويل: نه؛ دا خو زما جراپي نه دي، ما په ژوند د چا څيز نه دی اخيستی، تا دا کار ولي وکړ. بالکل ئې نه کوم!

 بيا چي پېښور ته رسېدلی وو، د کوټي هغه کوربه ته ئې ليک ليکلی وو چي هغه زما جرابي که پيدا سوې؛ راوايستوه.

که څه هم اوس ډېر خلګ وايي چي باچا خاني په کار ده خو پاچا خاني سخته وه/ده.

BachaKhanWeek