چپ لاسي رښتيا هم نابغه خلک دي؟

له پخوا زمانو څخه خلک په دې باور دي چې چپ لاسي زياتره نابغه کسان دي، لکه ليوناردو داوينچي، مارک ټواين، موټزارت، مېري کوري، ټېسلا ،ارستو او نور….

د ساينس الرټ د خپل له مخې دا خبره تر اوسه پورې لا دود او باوري ده ځکه دوی اوس د بيل ګيټس او ليونل ميسي نومونه اخلي چې چپ لاسي دي، خو ايا دا رښتيا هم همداسې ده؟

د ليورپول پوهنتون څيړونکو له اوږدې مطالعې وروسته چې (چپ لاسی او په رياضي کې یې مهارت) تر عنوان لاندې تر سره کړې دې نتيجې ته رسېدلي دي چې چپ لاسي د رياضي په پوښتنو او مفاهيمو په حل کولو کې تر نورو ښه او تکړه دي، د نړۍ د نفوس تقريباً ۱۰ تر ۱۳،۵ فيصده چپ لاسي دي ، او له دوی څخه یې کم شمېر په دواړو لاسونو د استفادې مهارت لري.

هغه کسان چې چپ لاسي دي د مغزو ښۍ نيمه کرې یې ښه توسعه پيدا کړې او عملکرد يې ښه دی، او هم یې د مغزو د دواړو ښۍ او چپې نيمې کرې تر منځ د ارتباط هغه عصبي ژونکې د ښي لاسو په نسبت سترې دي. او دا چې د دواړو مغزي نيمو کرو تر منځ ښه او ان واحد کې بهترين ارتباط ټينګ دی نو ځکه دوی زياتره کارونه ښه ژر تحليل کولای او ژر سمه نتيجه ترې را اېستلی شي.

سربېره پر دې چپ لاسي په هنر او ميوزيک کې هم تر نورو تکړه دي.

ځينې مشهور چپ لاسي:

انجلينا جولي، بارک اوباما ،بيل کلنټن، ليډي ګاګا، مورګن فري مين،ټام کروز،جسټين بېبر او نور….