د چارو ادارې د تدارکاتو ریاست نن چهارشنبه د لیندۍ دویمه عامې روغتیا وزارت ته ۱۲۵ نوي امبولانسونه وسپارل. د دغه امبولانسونو د پېرلو قرارداد د جمهوري نظام پرمهال شوی و.
د چارو ادارې د تدارکاتو سرپرست عبدالرحیم رحیمي وايي، دغه امبولانسونه له ازبکستان څخه پېرل شوي چې ارزښت یې ۶میلیونه ۴۵۱زره او ۶۱۲ امریکایي ډالره دی. عبدالرحیم رحیمي زیاته کړه چې د یادو امبولانسونو د پېرلو چارې بشپړې شوي او نن یې د عامې روغتیا وزارت ته وسپارل.
نوموړي وویل: «د عامې روغتیا د وزارت په غوښتنه مو له ازبکستان هېواد څخه راانتقال کړل او نن ورته تسلیميږي، دا زمونږ لپاره ډيره لویه لاسته راوړنه ده.»
په ورته وخت کې د عامې روغتیا وزارت مسوولان وايي چې د یادو امبولانسونو یوشمېر به د هېواد هغو سیمو ته ولېږدوي چې اړتیا ورته لیدل کېږي.
د عامې روغتیا وزارت ویاند شرافت زمان وویل: «دغه ۱۲۵امبولانسونه چې له ازبکستان هېواد څخه اخیستل شوي، د هېواد هغو برخو ته به ولیږل شي چې ډيره اړتیا ورته ولري، همدارنګه په اوسني وخت چې څومره د یو امبولانس اړتیاوي دي، یعنې په هماغه سټنډرډ باندې برابر دي.
دا په داسې حال کې دی چې اوس هم د هېواد په ډېری سیمو کې خلک د روغتیایي خدمتونو له کمښت او نشتون شکایت کوي، خو عامې روغتیا وزارت ډاډ ورکوي چې هڅې یې پیل کړي، څو د هېواد ټولو سیمو ته خپل روغتیایي خدمات پراخ کړي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.