په ۲۱مه پېړۍ کې ګډ کار، ورورولي او صمیمت د زده کړو یوه مهمه پایله او لاس ورکړه یو کلیدي مهارت ګنل کیږی. مګر دلته پښتون ، تاجک او هزاره متعصب استاد/ ښوونکی د محصلینو/متعلیمینو ترمنځ د ګډ کار او ورورۍ د پیاوړې کولو پر ځای د هغوی تر منځ نفاق او تعصب ته لمن وهي.
نن چې پښتون ، تاجک او هزاره په پوهنتون کې د صميمت په فضا کې ګډې زده کړې نشې کولاي نو سبا ورځ به په بهرنيو چارو ، اقتصاد او نورو وزارتونو کې څنګه ګډ کار وکړي؟
په پرمختللو ټولنو کې د څیړنو او تازه سروې ګانو موندنې ښیي چې د ګمارنې رهبري هیئت د کارکوونکو د مهارتونو ترمنځ ګډکار او لاس ورکړه تر ټولو مهم مهارت او فکتور ګني او ورته لمړیتوب ورکوی. د هارټ څیړنیز اسوسیشن د امریکی کالېجونو او پوهنتونونو د اتحادیې لپاره په ۲۰۱۵کال د انلاین سروي چی ۴۰۰ سازمانونو د رهبرانو چی د کارکوونکو تعداد یی د ۲۵ کسانو زیات و ترسره کړه ، ۸۳ سلنه په ټیم ورک باندې ټينګار کولو او د تازه فارغینو لپاره یی لاسنیوی او همکاري کول یو اړین مهارت ګاڼه.
د یوې بلې څیړنې پایلې ښايي چې ۸۰ سلنه سازمانونه د ګمارنې په وخت د هغه شواهدو په لټه کې وي تر څو معلومه کړي چې د دندې کاندید په یوه ټیم کې کار کولی شی او کنه.
سره له دی چې ټيم ورک او همکاري مهم مهارت دی ، بیا هم ،زموږ ښوونیز سیستم نه توانیږي چې محصلین دې کافی د همکارۍ/ لاسنیوي مهارتونه ولري تر څو په دنده کې بریالی شي. دلته د اتقاق او ورورۍ لپاره د ښوونکو او محصلینو ترمنځ د شته واټن له منځه وړلو ته هېڅ توجه نه کیږی.
فکر نه کوم چې د هیواد په ټولو پوهنتونو کې سږکال به په ګډه د ستونزو حلولو مهارتونو ته د ودې او ملې او ټولنیزو اهدافو د تعقیبولو په اړه کوم علمي سیمنار نیول شوی وي.
فکر نه کوم چې کوم دولتي/ خصوصي پوهنتنون په کریکولم کې د په هیواد کې د ورورۍ او ګډ کار کولو ته د ودې ورکولو لپاره د د شخړو د حل ، هدف ټاکنه ، د کارګردګي مدیریت ، پلانګذارۍ ، د دندو همغږي کول او ورته نور موضوعات ځای ولري.
دلته په ټول ټولګې کې دوه یا درې زده کونکي د خدای ورکړي لیوالتیا او کورنۍ انګیزې پر مټ ښوونځيو او پوهنتونو ته په شوق سره ځي او یو څه زده کوي مګر هغوي هم ښوونکي / استادان له یوه بل سره د اول نمره ګۍ په سیالۍ لګیا کوي کله چي فارع شی او دنده واخلي نو په کاري چاپېریال کې هم د همکارۍ پر ځای سیالي غوره کړي او د خپلو همکارانو د لاسنیوي پر ځای د هغوي پښې وهي او د ملي ګټو په ځای قومي او سمتي ګټې پالي.
د زده کړو بل مهم مرکز چي مذهبي مرکزونه او او جوماتونه دي هغه له پوهنتون او ښوونځي بدتر دي ، هلته د ټولنې د سمون په موخه اسلامي تبلیعات هیڅ نشته ، هلته نیصحت یوازې د جمعې تر لمانځه محدود وي ، هغه هم د ادم ع په کیسو او د انسانانو سره په کرکې او کینه سرخي، په یو کلی کې شل جوماتونه جوړ شوي دي ، زموږ کلی کې به پخوا د اختر شریک لمونځ کیدلو اوس لس ځایونو کې کیږی.
او زده کړو بل تر ټولو غښتلي او مهم مرکز کلتور او رواج مو سر تر پایه په تربګنۍ، نا سالم رقابت او کینو ولاړ دی ، د تره زوي سره د سیالۍ لپاره د زیاتو وادونو کول ، په وادونو او جنازو کې د تربور سره د تربګنې په پار مصارف ، ولور او …. نه پوهېږم د کومې بدبختۍ به سړی یادونه وکړي.
د پوهنتون استاد/ښوونکی باید د راتلونکی اکاډمیکو او کاري فعالیتونو ترڅنګ ځوانو محصلینو ته د لاس ورکړې ، ورورۍ او د همکارۍ مهارتونو د لوړلو هنر ورزده کړئ ،تر څو مدني ژوند ولرو او سالمه دېموکراسي وده وکړي .
په ټوله کې هر فرد باید د نورو له پیغورنو څخه تېر شي او دغه مړ ژوندي یووالي ته ساه ورکړي، پوهنتونونه او ټول کلتوري او مذهبي بنسټونه او سازمانونه د نقاق او تعصب پاک کړي او د مینې ، صمیمیت او ورورۍ په چاپیریال بدل شی.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
