کابل (پژواک، ٢٢ لېندۍ ٩٩): د ناټو سازمان وايي چې له تېرې مياشتې راهيسې يې سلګونه ټنه بېلابېل درمل او طبي توکي له افغان ځواکونو سره مرسته کړې ده.
په بلجيم کې د ناټو له مرکزي دفتره پژواک اژانس ته په يوه رالېږل شوې خبرپاڼه کې راغلي چې د ٢٠٢٠ زېږديز کال د نوامبر او ډسمبر په مياشتو کې د دوى د ملاتړ او پېرلو ادارې (اېن اېس پي اى) له خوا د سازمان له اړوندو هېوادونو، په لسګونو الوتکو کې درمليز توکي افغانستان ته وړل شوي دي.
سرچينې زياته کړې چې په دې الوتکو کې سلګونه ټنه درمل د افغانستان ملي اردو او پوليسو ته وړل شوي او اړوندو ارګانونو ته سپارل شوي دي.
ناټو ويلي چې په دغو درملو کې د تسکين او درد درمل، انتي بيوتيکونه، د پوليسو واکسينونه، د لاس مينځلو سنيټايزر او د نورو سختو ناروغيو درمل شامل دي.
په خبرپاڼه کې راغلي چې د درملو دغه مرسته به د افغان ملي دفاعي او امنيتي ځواکونو پر روغتيا مثبته اغېزه وکړي او پر ناروغیو له اخته کېدو به وژغورل شي.
ناټو ويلي چې د روان زېږديز کال تر پايه پورې به یادو ځواکونو ته نور درمل هم ورسول شي.
سرچينې زياته کړې چې د درملو دا مرسته د افغان ملي اردو له مالي صندوقه شوې ده.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
