زموږ سوله او کرسمس

خدای (ج)بشرته په وروستی رالیږل شوی کتاب (قرآن عظیم الشان) کې فرمایلی :

الآیه : إِنَّمَا المُؤمِنونَ إِخوَةٌ فَأَصلِحوا بَينَ أَخَوَيكُم ۚ وَاتَّقُوا اللَّهَ لَعَلَّكُم تُرحَمونَ *

ترجمه :مومنان سره وروڼه دی ،دوروڼوترمینځ سوله وکړی اوپه پرهیزګاری سره دخدای تابع دارشی.

په پورتنی آیت شریف کې (فَأَصلِحو) دامر صیغه ده ، چې خدای (ج) مسلمانانوته امر کوی .

خوزموږدسولې ددواړواړخومرکچیان دخدای تعالی امرنه راڅرخی اودټرامپ او کرسمس سپارښتنه ورته لومړیتوب لری.

دوی په دریو میاشتو کې د شیخانو د ډالرو د چړچو له برکته ایله وکړای شول چې دسولې د ټیر(ارابې) د کولولو لپاره دکاغذپرمخ دوه ویشت نا څرګند څپرکی وکاږی (لکه چې پرکنګل یې ولیکې او بیایې لمر ته کیږدې) په دې درې میاشتو کې ددې لپاره چې داټیربیرته راشیوه نشی ، څو ځلې امریکې دپمپيو په لاس ډنډه پنج ورته کیښود تر څو په شا نشی.

دلته دننه په هیواد کې جګړه په درز کې روانه ده هره ورځ د بیګناهو مسلمانانو وینې د هوایی بريدونو او مځکنی چاودنوله امله بهیږی – د کونډوُ، بورو میندو، د ځوانيمرګو ځوانانو د سپينرو بوپلرونو دوه سترګې د قطر خواته څلور شوې چې ګنۍ یو زیری به واوری خو تاسې چې په دریو میاشتو کې لکه د سلطان محمود لټان غوندې ستړی شوی یاست– نوبیا مو تابیا ونیوله چې د کرسمس په ویاړبه درویشت ورځې رخصتی وکړی ،ترڅوپه دې درویشتو شپو کې د شیخانو او ډالرو د خوراک ارګمی او ټیغ وباسی.

هو رښتیا ! د کافرانو د جشن (کرسمس) په خاطر د سولې په خبرو  کې ځنډ راولی ،  د روژې د مبارکې میاشتې په اوه ویشتمې دډیر ثواب ګټلو په خاطر د مسلمانانو وینې بهوی – او بیا فتوا چلوی چې جهاد د روژې په میاشت کې لاډیر اجر وثواب لری.

د مسلمانانو اختر  ته هغسې فتوا او د کافرانو اخترته داسې خوشحالی تاسونه دخدای دامر (فاصلحو) تعجیل له یاده ویستلی.

نو مالومه ده چې دا سوله د پردیو په سپارښتنه اوډنډه پنج په پردیوهیوادونو کې دپردیو دموخوبشپړولو لپاره سر ته رسی.

څرګنده خبره خو لادا ده چې هغه چارې چې دیهودونصاراپه نغوته سرته رسی هغه به هیڅکله دمسلمانانو په ګټه نه وی که داسې ونه شول دا کریسمس او دا رخصتی دې نښه وی .