وروسته له هغې چې د افغانستان د سولې له پاره د امریکا ځانګړي استازي زلمي خلیلزاد استعفی وکړه، افغانانو پر نوموړي تور لګولی چې هغه اصلاً افغانستان طالبانو ته وسپاره. د امریکا خارجه وزارت د خلیلزاد استعفی تائید کړې ده.
وروسته له هغې چې نن د سه شنبې په ورځ د افغانستان د سولې له پاره د امریکا متحده ایالاتو د ځانګړي استازي زلمي خلیلزاد د استعفی خبر خپور شو، ګڼ شمیر افغانانو پر نوموړي تور پورې کړی چې هغه افغانستان طالبانو ته سپارلی دی. د امریکا متحده ایالاتو د بهرنیو چارو وزارت پرون د دوشنبې په ورځ د خلیلزاد استعفی تائید کړه.
د خلیلزاد د استعفی سره سم د افغانستان د ملي امنیت پخواني مشر رحمت الله نبیل په یوه ټویټري پیغام کې هغه مکار بللی دی او داسې څوک چې افغانستان یې یوه داسې حالت ته سوق کړ چې بیرته ترې نه شي وتلی.
خلیلزاد چې د افغانستان په سیاست کې یې له لسیزو راهیسې مهم نقش لوبولی، له نورو انتقادونو سره هم مخامخ شوی دی. د یو شمیر افغانانو په باور نوموړي له طالبانو سره د سولې د خبرو په جریان کې دغې ډلې ته ډیر امتیازات منلي دي. د واشنګټن او طالبانو ترمنځ تیر میلادي کال یو تړون هم لاسلیک شوی وو چې پکې خلیلزاد مرکزي نقش درلود.
د دغه توافق په اساس، امریکا متحده ایالاتو ژمنه کړې وه چې له افغانستانه به خپل ټول عسکر وباسي او په بدل کې یې طالبانو د افغانستان له پخواني حکومت سره د سولې د خبرو ژمنه کړې وه.
کارپوهان وايي چې په اصل کې د واشنګټن او طالبانو ترمنځ شوی تړون، واک ته د طالبانو په رسیدو کې مهم نقش لوبولی دی. تر تړون وروسته، طالبانو له پخواني افغان حکومت سره د سولې له خبرو مخ وګرځوو او د پوځي بریا هڅې یې پیل کړې.
د افغانستان د سیاسي چارو کارپوه احمد سعیدي پر خپله فیسبوک پاڼه لیکلي چې د افغانانو بد وضعیت د خلیلزاد میراث دی. د هغه په باور خلیلزاد یو ماموریت ناکام کړ او په نړیواله سطحه یې د امریکا نوم بد کړ.
په عین وخت کې د افغانستان د پخواني حکومت د دفاع وزارت یوه مرستیال ویلي چې خلیلزاد د دې له پاره راغلی وو چې سوله راولي، له ترهګرۍ سره مبارزه وکړي او له افغانستانه د امریکايي ځواکونو اخراج په منظم شکل وشي خو په خبره یې خلیلزاد له دې څخه یو کار هم نه دی کړی. دا هم په داسې حال کې ده چې د امریکا د بهرنیو چارو وزیر انتوني بلینکن د خلیلزاد د استعفی د منلو سربیره د هغه له خدماتو مننه کړې ده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.