ملګرو ملتونو د جنسي زور زياتي په مقابل کې د کډوالو ښځو او نجونو د ښې ساتنې غږ کړی دی. ويل شوي چې کابو شل سلنه کډوالې د جنسي روز زياتي ښکار کيږي.
د ملګرو ملتونو د مهاجرو عالي کمیسار فيليپو ګرانده د جمعې په ورځ په ژنيو کې د جنسي زورزياتي څخه د ښځو او نجونو د ساتنې له پاره د لا زياتو هلې ځلو غږ کړی دی.
نوموړي وویل چې په ټوله نړۍ کې له افغانستان څخه نيولې د کانګو تر ديموکراتيک جمهوريت او تر کولمبيا پورې د جنسي زور زياتي قرباني ښځې نه بيانيدونکی کړاو ګالي.
ګرانده خبرداری ورکړ چې کابو شل سلنه کډوالې د جنسي جبر، بريدونو او جنسي تيري ښکار کيږي. نوموړي وویل چې د کرونا وبا له خپريدو راهیسې د ښځو او نجونو وضعیت نور هم خراب شوی دی.
د ملګرو ملتونو په حواله دمګړۍ په نړۍ کې کابو ۸۴ میليونه انسانان په تېښته دي
د ښوونځیو تړل کيدو له کبله نجونې نور يوه خوندي ساحه نه لري او په مخ پر ډېريدونکي توګه د زور زياتي ښکار کيږي. ګرانده همدا راز د کورني تاوتريخوالي، انساني قاچاق او جنسي ناوړه استفادې د زياتيدو په اړه هم رپوټ ورکړی دی.
هغه وويل چې د حکومتونو ترڅنګ له مرستندويه ټولنو، مدني ټولنو او بسپنه ورکوونکو څخه هم غوښتنه کیږي چې د ښځو او نجونو پر وړاندې د جنسي روز زياتي په مخنيوي کې مرسته وکړي.
د ملګرو ملتونو د مهاجرو د مرستې ادارې د تازه رپوټ په حواله په دې وروستیو کې د هغو کسانو شمیر چې تېښتې ته اړ کيږي، ډېر شوی دی. د روان میلادي کال په لومړيو شپږو میاشتو کې په ټوله نړۍ کې تر ۸۴ ميليونو ډېر انسانان کډوال شوي دي. د ملګرو ملتونو سازمان تر اوسه د څه نا څه ۸۲ ميليونه مهاجرو څخه خبره کوله.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.