نړیوال بانک د جمعې په ورځ وویل چې په روان ژمي کې د افغانستان له نیمايي څخه د ډیر نفوس له پاره د خوړو د شدید کمښت تر خبرداریو وروسته نړیوالو تمویلونکو افغانستان ته د ۲۸۰ میلیونه ډالرو په ارزښت مالي مرستې آزادې کړي دي.
د خوراک نړیوال پروګرام، افغانستان- د آرشیف انځور
نړیوال بانک د یوې اعلامیې په خپرولو سره ویلي چې د افغانستان د بیا رغونې د صندوق یا (ARTF) څخه دغه پیسې به په اوسنیو حساسو شرایطو کې د افغانستان خلکو ته پر بشري مرستو مصرف شي.
د نړیوال بانک په اعلامیه کې همدا راز راغلي چې دغه پیسې به په افغانستان کې د یونسیف او د خوړو د نړیوال پروګرام له لارې مصرف شي ځکه په خبره یې چې دغه دواړه سازمانونه اوسمهال په افغانستان کې حضور لري او د لوژیستیکي ظرفیت له اړخه هم امکانات په لاس کې لري.
د نړیوال بانک په خبره یاد دوه سازمانونه به د خپلو شته پروګرامونو په چوکاټ کې مالي تشې ډکې کړي او په مستقیمه توګه به افغانانو ته د خوړو او روغتیا په برخه کې خدمات وړاندې کړي.
له افغانستان سره دغه مرستې داسې مهال کیږي چې ملګرو ملتونو تر دې وړاندې په وار وار سره په افغانستان کې د یوه بشري ناورین د رامنځ ته کیدو خبرداری ورکړی وو. ملګرو ملتونو ویلي وو چې د افغانستان د نفوس له نیمايي څخه ډیره برخه یعنې شاوخوا ۲۲ میلیونه افغانان به په روان ژمي کې د خوړو له شدید کمښت سره مخامخ شي چې له کبله یې میلیونونه افغانان د مهاجرت او قحطۍ ترمنځ انتخاب کوي.
په افغانستان کې روان وضعیت د اقلیمي بدلون په پایله کې د وچکالۍ او همدا راز واک ته د طالبانو تر رسیدو وروسته د نړیوالې ټولنې له لوري د افغانستان د مالي مرستو بندول په ګوته شوي، داسې یوه موضوع چې په بهرنیو مرستو متکي افغانستان یې له لا ډیرو ستونزو سره لاس او ګریوان کړ. سربیره پر دې، امریکا متحده ایالاتو د افغانستان شاوخوا ۱۰ میلیارده ډالر مالي زیرمې هم کنګل کړي چې له کبله یې د افغانستان بانکي سیستم هم د فلج کیدو په درشل کې دی او تجارت هم ډیر زیانمن شوی دی.
ملګرو ملتونه په خپل یوه تازه رپوټ کې د افغانستان اوسنی وضعیت یو ستر «مالي ټکان» بللی وو. د دې ټولو ستونزو سربیره، په افغانستان کې تر وروستیو تحولاتو وروسته د پیسو نړیوال صندوق او نړیوال بانک پیسو ته د افغانستان لاس رسی هم منع کړی وو.
په افغانستان کې د خراب اقتصادي وضعیت له کبله، په پلازمینه کابل کې ګڼ شمیر خلکو د خپلو کورونو د وسایلو پلورلو ته مخه کړې تر څو خپلو کورنیو ته پرې خوراکي مواد واخلي او په روان ژمي کې خپل کورونه پرې ګرم وساتي.د نړیوال بانک د اعلامیې له مخې، د آزادو شویو پیسو له جملې به یونیسف ۱۰۰ میلیونه ډالر ترلاسه کړي څو افغانانو ته د روغتیا په برخه کې خدمات وړاندې کړي او د خوړو نړیوال پروګرام به بیا ۱۸۰ میلیونه ډالر ترلاسه کوي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.