امریکا په عرب سمندر کې پر ایراني وسلو بار د کب نیونې د یوې بیړۍ د نیولو خبر ورکړی دی چې د یمن پر لور روانه وه. په دې کښتۍ کې ۱۴۰۰ میله کلاشینکوفونه او ۲۲۶ زره مرمې کشف شوي دي.
د امریکا د سمندري ځواکونو پنځمې بیړۍ د چهارشنبې (د دسمبر میاشتې ۲۲ نیټه) په ورځ د کب نیونې د یوې کښتۍ د نیولو خبر ور کړ چې له ایران څخه د یمن په نیت روانه شوې وه او وسلې په کې ځای پرځای شوې وې.
په دغه بیانیه کې چې په تویتر کې هم خپره شوې ده راغلي دي چې بی له بیرغه د کب نیونې دغه کیشتۍ د عرب سمندر په شمال کې عمان او پاکستان ته نږدې د حرکت په حال کې وه.
د امریکا د پنځمې سمندري بیړۍ په بیانیه کې نیول شوې کښتۍ په هیڅ هیواد پورې تعلق نه درلودونکې بللې ده. د امریکا سمندري ځواکونو د دغې کښتۍ د پلټنې پر مهال ۱۴۰۰ کلاشینکوفونه او ۲۲۶ زره مرمې کشف کړي دي.
په بیانیه کې زیاته شوې چې نیول شوې کښتۍ په بین المللي اوبو کې پر هغه مسیر تیریده چې معمولاً په یمن کې حوثیانو ته د غیر قانوني وسلو د لیږد له پاره ترې استفاده کیږي.
فارس خلیج او عرب سمندر د امریکا د سمندري ځواکونو د پنځمې بیړۍ په عملیاتي حوزه کې حسابیږي. دغې بیړۍ د می په میاشت کې هم د عرب سمندر په شمال کې د وسلو یوه لویه محموله نیولې وه.
د ایران چې د شعیه مذهبه حوثي یاغیانو ملاتړ کوي او سعودي عربستان چې له نړیوال ملاتړ څخه برخمن قانوني حکومت حمایت کوي، ترمنځ د کلونو راهیسې نیابتي جګړه روانه ده.
د سعودي عربستان تر رهبرۍ لاندې عربي ائتلاف او د ملګرو ملتونو سازمان کارپوهانو په وار وار ایران د حوثي یاغیانو په وسلو سمبالولو تورن کړی دی، خو ایران هر ځل دغه تورونه رد کړي دي.
ویل کیږي چې ایران حوثي یاغیانو ته نه یوازې تعرضي وسلې او تجهیزات، بلکې بی پيلوټه الوتکې هم انتقال کړي دي.
په بحرین کې د امریکا د سمندري ځواکونو پنځمې بیړۍ مخکې تر دې ایران حوثیانو ته د بی پيلوټه الوتکې د لیږلو له امله پړ بللی و.
د امریکا د پنځمې بیړۍ د بیانیي په حواله حوثیانو ته د وسلو ورکول، پلورل یا ورته په مستقیم او غیر مستقیم ډول د وسلو انتقالول د ملګرو ملتونو سازمان پریکړه لیک او د امریکا بندیزونه نقضوي.
د ملګرو ملتونو د امنیت شورا له ۲۰۱۵م کال راهیسې د حوثیانو پر وړاندې د وسلو بندیزونه وضع کړي دي.
د دغې بیانیي په یوه برخه کې راغلي دي چې د امریکا سمندري ځواکونو د نیول شوې کښتۍ د خدمې او په کې بار وسلو له تخلیه کولو وروسته ډوبه کړې ده. د دغې کښتۍ پنځه تنه کارکوونکي به چې ځانونه د یمن اوسیدونکي بولي د یمن قانوني حکومت ته وسپارل شي.
ایران او په ځانګړي توګه د ملګرو ملتونو په سازمان کې د دغه هیواد استازولۍ تر اوسه پورې د دغې کښتۍ د نیول کیدو په اړه غبرګون نه دی ښودلی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.