په کابل کې د پنجشنبې په ورځ د پاسپورټ ادارې دروازې ته نژدې يوه چاودنه شوې ده. په کابل کې رويټرز خبري آژانس دغه خبره د یوه چارواکي له قوله کړې ده. طالبانو بیا ويلی چې د يوې حملې مخنیوی يې کړی دی.
د کورنيو چارو وزارت يوه چارواکي چې د خپل نوم د ښودلو يې ډډه کړي ده رويټرز ته ويلي دي چې تر اوسه د چاودنې څرنګوالی روښانه نه دی. هغه همدا ډول په چاودنه کې د مرګ ژوبلې د ارقامو په اړه هم څه نه دي ويلي.
دغه چاودنه داسې وخت شوې چې د طالبانو سرپرست حکومت د پنجشنبې په ورځو کې د پاسپورت ويش د طالب چارواکو او امنيتي ځواکونو ته جلا کړې ده.
د طالبانو د کورنیو چارو وزارت د ویاند مرستيال، عاقل عزام بيا وايي چې يو حمله کونکی چې غوښتل يې د پاسپورت ریاست ته دننه شي، تر پيژندل کیدو وروسته وژل شوی دی.
که څه هم ويل کيږې دغه چاودنه چې د یو ځای پر ځای شوي ماین وه، تلفات يې هم اړولي، خو د کورنیو چارو وزارت وايي چې دغه پيښه تلفات نه لري. ځينې خبريالانو چې د دغې پيښې د خبري پوښښ له پاره سیمې ته تللي، ويلي دي چې د لوړو تلفاتو په خاطر دوی ته د پيښې ځای ته د تلو اجازه نه ده ورکړل شوې. خو طالبان په خپله بیا په دې اړه څه نه وايي.
تر اوسه کوم فرد يا کومې ډلې د دغې حملې مسئوليت په غاړه نه دی اخیستی.
دغه چاودنه داسې وخت شوې چې په وروستيو ورځو کې طالبانو په کابل کې د پاسپورت د ویش لړۍ د بیا پيلیدو اعلان وکړ. له دې کبله په دې ورستیو کې د کابل د پاسپورت ادارې مخې ته د پاسپورت اخیستلو په موخه د راغلو خلکو زښته ډيره ګڼه ګوڼه وي. د ټولنیزو رسنیو کاروونکو هم د کابل د نن ورځ چاودنې په اړه خبرونه خپاره کړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.