اسرائیل د سوریې په لاذقیه بندر کې د کانتینرونو انبار د توغندیو په وسیله په نخښه کړی دی. د سوریې د دولتي رسنۍ په حواله د یوه روغتون په شمول ځينو ودانیو ته هم زیان اوښتی دی. د زیان کچه تر اوسه پورې نه ده روښانه شوې.
د سوریې دولتي رسنیو د سه شنبې (د دسمبر میاشتې ۲۸ نیټه) په ورځ د دغه هیواد په لاذقیه بندر سیمه کې د کانتینرونو پر انبار د اسرائیل پوځ د توغندیز برید خبر ورکړی دی. د رپوټونو په حواله څو ودانیو ته د هغو له جملې څخه یوې مغازې او یوه روغتون ته زیان اوښتې دی.
د سوریې دولتي تلویزون په هغه سیمه کې چې توغندیز برید شوی دی د امبولانسونو، اور د لمبو او لوخړو ویډیوګانې خپرې کړي دي.
د سوریې د دفاع وزارت په یوه بیانیه کې اعلان کړی دی: «د اسرائیل دغه تیري ستر مالي زیانونه رامنځته کړي دي او پایلې یي تر اوسه پورې تر ارزونې لاندي دي.» دا په روانه میلادي میاشت کې پر دې سیمې د اسرائیل دویم برید دی چې ترسره کیږي.
لاذقیه د سوریي اصلي سوداګریز بندر دی. روسیه چې د دغه هیواد په کورنۍ جګړه کې د بشارالاسد تر ټولو پیاوړی متحد دی، د لاذقیه په ۲۰ کیلومترۍ حمیمیم سیمه کې یوه پوځي هوایي اډه لري.
اسرائیل تر اوسه پورې په سوريه کې د ایران او حزب الله پر مرکزونو پرله پسې بریدونه کړي دي. دوې ورځې مخکې د جروزالم پوست ورځپاڼې د یوه لوړپوړي اسرائیلي چارواکي په حواله ولیکل چې د دغه هیواد پوځ په تیرو درو کلونو کې په سوريه کې د حزب الله پر لسګونو اهدافو بریدونه کړي دي. د دغه چارواکي په خبره دغو بریدونو د اردن په سرحدي مثلث او ګولان په لوړو کې د حزب الله لوجیستیکي او عملیاتي توان مختل کړی دی.
د دغه رپوټ پر بنسټ حزب الله تر اوسه پورې دغو بریدونو ته ځواب نه دی ورکړی، خو احتمالاً اراده لري د ایران په مرسته ځان غچ اخیستونکو بریدونو ته تیار کړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.