د کونړ ولایت یو شمېر اوسېدونکو د دغه ولایت په ځینو سیمو د پاکستاني ملېشو د راکټي بریدونو خبر ورکړی او ادعا کوي چې په دغو بریدونو کې یو شمېر کسانو ته مرګ ژوبله اوښتې ده.
د کونړ ولایت یوه اوسېدونکي د نوم نه ښودلو په شرط نن چهارشنبه فبرورۍ ۱۶ (سلواغې ۲۷) امریکا غږ ته وویل چې دغه راکټونه د سرکاڼو ولسوالۍ په ځینو سیمو لګېدلي دي.
هغه زیاته کړه چې په دغو بریدونو کې څو کورونه ویجاړ شوي او د سیمې یو تن ټپي شوی دی.
عیني شاهدانو همدارنګه ویلي چې د پاکستاني ملېشو دغه راکټي بریدونه تیره ورځ ناوخته پیل شوي او تر ناوخته یې دوام درلود. هغه ټینګار وکړ چې له ۶۰ څخه تر ۸۰ راکټونه د پاکستاني ملېشو لخوا توغول شوي دي.
د محمد ادریس په نوم ددغه ولایت یوه بل اوسېدونکي وویل چې د پاکستاني ملېشو راکټي بریدونه د تیرې شپې راپدېخوا بند شوي او په خبره یې خلک بیرته خپلو سیمو ته ګرځېدلي دي.
هغه وویل چې په دغو راکټي بریدونو کې څو کورونه ویجاړ شوي دي او په خبره یې ځايي اوسېدونکو ته د سر زیان هم رسېدلی دی.
په همدې مهال طالبانو د کونړ ولایت د سرکاڼو ولسوالۍ په ځینو سیمو د پاکستانۍ ملېشې بریدونه تائید کړي دي، خو په دې اړه یې نور جزئیات نه دي ورکړي.
د طالبانو د حکومت د کونړ ولایت د اطلاعاتو او فرهنګ رئیس نجیب الله حنیف سیمه ییزو رسنیو ته ویلي چې د یادو راکټي بریدونو له امله خلک د خپلو سیمو پرېښودو ته اړیستل شوي دي.
ښاغلي حنیف همدارنګه ویلي چې د دغه ولایت په مرورې ولسوالۍ کې هم څو راکټونه لګېدلی چې په دې اړه د دوی څېړنې روانې دي.
پاکستاني چارواکو تر دا مهاله په دې اړه څه نه دي ویلي. په وروستو میاشتو کې دا څوم ځل دی چې دکونړ اوسېدونکي په دغه ولایت د پاکستاني ملېشو د راکټي بریدونو خبر ورکوي.
تر دې مخکې د طالبانو دفاع وزارت ویلي وو چې په افغان خاوري د پاکستان په ګډون د ټولو ګاونډیو هیوادونو د بریدونو په اړه به بې تفاوته پاتې نشي.
ددغه وزارت ویاند عنایت الله خوارزمي د تیرې ډسمبر میاشتې پر ۲۵ (مرغومې څلورمه) خبریالانو ته ویلي وو چې طالبان به د ګاونډیو هیوادونو د راکټي بریدونو په مقابل کې «بالمثل ځواب» ورکړي.
pashtovoa.com
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.