هر سخت کار سختې ارادې ته اړتیا لري

ھر سخت کار يوې سختې او قوي ارادې ته اړتيا لري.

ھيڅ ستر کار له ستري ارادي پرته نه شي ترسره کيدلای ،اراده يو روحي عمل دي چې د سختو عملونو د ترسره کولو لپاره خورا اغيزمنه وسيله ده،
ناهيلي ،بي ځايه شھرت غوښتنه ،ځان کم ګڼل،بي زړه توب،د کمتري احساس او نور ھغه مرضونه دي چې که په يو انسان کي يي ځاي ونيو ،انسان له سختو بد مرغيو سره مخامخولاي شي نيکمرغۍ ھغه ذهني کيفيت دي چې د يوه انسان د ټولو غوښتنو او امیدونو تر پوره کيدو وروسته رامنځته کيږي ،
که غواړئ د نيکمرغۍ ذهني کيفيت ترلاسه کړئ،نو له چا څخه نفرت مه کوئ،له چا سره کينه او حسد مه کوئ،بي له کومي وجي د چا بي عزتي مه کوئ،دښمني ته لار مه اواروئ،د کيني ناروغۍ له ځانه لري کړۍ،يو کار په صبر او سکون سره ترسره کړئ،په ځان کې له ژوند سره د ميني جذبه پيدا کړئ،د نظم او دسپلين تابع شئ،او داسې نور مهم عناصر چې په يو انسان کي د نيکمرغي وزري غوړولای شئ،
که څوک غواړي نيکمرغه شي نو ځان بايد د مطالعې او پوهي په ګاڼه سمبال کړئ
کله چې موږ خپلي ټولني ته وګورو ھغه اشخاص ،ليکوال او نور خلک چې ذهن يي له تفکره ډک وي ،ھغوي کار کوي ،د بري لاري لنډوي،خو ھغوي چي خالي ذهنه وي ،ذھن کي يي وسوسې ،کينه او حسد وده کوي،ځان خوري ،دا پخه خبره ده چې خالي ذهن د شيطان کور دي،نو که موږ غواړو ځان له شيطانه وژغورو ،بايد خپل ذهن د علم په رڼا روښانه کړو.