د امریکا د بهرنیو چارو وزیر انتوني بلینکن خپل پاکستاني سیال بلاول بهټو زرداري ته د بهرنیو چارو وزیر په توګه د ټاکل کیدو له امله مبارکي ویلې ده. دواړو مشرانو د خپلو مناسبانو په لا زیات پياوړې کولو ټینګار کړی دی.
وروسته له دې چې بلاول بهټو زرداري په دې وروستیو کې د پاکستان د بهرنیو چارو زویر په توګه مسئولیت په غاړه اخیستی دی دا یي له یوه لوړپوړي امریکايي چارواکي سره لومړنۍ اړیکه وه.
د بلینکن او زرداري له خوا د جلا جلا ټویټونو په حواله دغه تلیفوني خبرې اترې د جمعې په ورځ ترسره شوي دي.
د پاکستان د بهرنیو چارو وزیر په خپل ټویټر کې د انتونیو بلینکن له خوا د تلیفوني اړیکې له طریقه د مبارکۍ ورکولو له کبله مننه کړې ده. بلاول بهټو په خپل تویتر کې لیکلي دي: « د بهرنیو چارو وزارت د مسئولیت په غاړه اخیستلو په خاطر، د انتوني بلینکن له تودې مبارکۍ څخه مننه کوم.»
د پاکستان د بهرنیو چارو وزیر ویلي دي چې د خبرو اترو پر مهال یې د مشترکو ګټو او متقابل احترام په چوکاټ کې د اړیکو پراخولو په هکله نظرونه تبادله کړي دي. هغه زیاته کړه: «دواړو په ګډه د امن په فضاء کې د امنیت او پرمختګ له پاره د مخ پر وړاندې قدم ایښودلو په خاطر د لارو چارو پر پيدا کولو خبرې وکړې.»
بلاول بهټو د دواړو هیوادونو ترمنځ د سوداګرۍ، پانګونې، اقلیمي بدلونونو، انرژۍ، روغتیا او زده کړې په برخو کې پر روانو همکاریو هم خپل نظرونه تبادله کړل.
د ګډې همکارۍ لړۍ به دوام پیدا کړي
د امریکا د بهرنیو چارو وزارت له خوا په خپره شوې خبرپاڼه کې ویل شوي دي چې بلينکن له خپل پاکستاني سیال سره په تلیفوني اړیکې کې هغه ته د بهرنیو چارو وزارت مسئولیت سمبالولو له امله مبارکي ویلې ده. دواړو مشرانو د خپلو مناسبانو پر لا زیات مستحکم کولو ټينګار کړی دی.
د امریکا د بهرنیو چارو وزارت د خبرپاڼې په حواله بلینکن په افغانستان کې د ثبات او ترهګرۍ پر وړاندې مبارزې په برخه کې د امریکا او پاکستان د ژمنتیا پر اهمیت هم ټینګار کړی دی.
په همدې منځ کې د امریکا د بهرنیو چارو وزارت ویاند نیډ پرائس هم له خبریالانو سره په خبرو کې ویلي دي چې واشنګټن غواړي له پاکستان سره په یو شمیر برخو کې خپله همکاري جاري وساتي. هغه وویل: «مونږ خپلو دوه اړخیزو اړیکو ته د قدر په سترګه ګورو. مونږ په هغو برخو کې په ګډه خپل کار جاري ساتو په کوم کې چې مو له پاکستاني شریکانو سره ګټې شریکې دي. په هغو کې له ترهګرۍ سره مبارزه او د سرحدي امنیت مسائل هم شامل دي.»
د کراچۍ پر پوهنتون د تیرې میاشتې برید په اړه د یوې پوښتنې په ځواب کې نیډ پرائس وویل: «مونږ په هغه وخت کې هم د کراچۍ پر پوهنتون شوی برید غندلی و او اوس یي هم غندو.» هغه زیاته کړه: «ترهګریز برید که په هر ځای کې وي، دا انسانیت ته توهین او سپکاوی دی.»
د امریکا د بهرنیو چارو وزارت له خوا په خپره شوې بیانیه کې دا هم ویل شوي دي چې روان کال پاکستان او امریکا د خپلو اړیکو ۷۵ مه کلیزه لمانځي او امریکا د دې همکارۍ د لا زیات مستحکم کولو هیله لري.
د رسنیو د رپوټونو په حواله د امریکا د بهرنیو چارو وزیر د پاکستان تر ټولو کم عمره د بهرنیو چارو وزیر ته د می میاشتې په ۱۸ نیټه په نیویارک کې د خوړو نړیوال امنیت (ګلوبل فوډ سیکیورټي) په کنفرانس کې د ګډون کولو بلنه هم ورکړې ده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.