د طالبانو رهبر، ملا هبت الله آخوندزاده په يوه تازه فرمان کې طالب چارواکو ته امر کړی چې د دوهم، دریم او څلورم ځل واده کولو څخه ډډه وکړي. د طالبانو د پوهنې وزارت په کابل کې يوه لویه جهادي مدرسه جوړوي.
د طالبانو د امر باالمعروف او نهي عن المنکر وزرات د دغې ډلې د رهبر، ملا هبت الله آخوندزاده، تازه فرمان خپور کړی دی.
د طالبانو رهبر په دغه فرمان کې د دغې ډلې ټولو مسئولینو ته امر کړی چې د غیر ضرروي او په لوړو مصارفو د دوهم، دریم او څلور ځل ودونو څخه ډډه وکړي.
په دغه فرمان کې د امر با المعروف او نهي عن المنکر وزارت ته په جدي توګه دنده سپارل شوې ده چې کوم کسان له دغه امر څخه سرغړونه کوي، وپيژني او د طالبانو رهبرۍ ته خبر ورکړي.
د تیرکال په اګست کې پر افغانستان د طالبانو تر بیا واکمنیدو وروسته په ټولنیزو رسنیو کې داسې رپوټونه لاس په لاس کېدل چې د طالبانو یو شمیر مشرانو سربیره پر دې چې ودونه ېې هم لرل، د دولتي څوکیو تر اشغالولو وروسته ېې بیا ودونه کړي دي. دغو رپوټونو غبرګونونه راوپارول خو طالبانو ېې په اړه په رسمي توګه څه ويلي نه وو.
له بل لوري د طالبانو د پوهنې وزارت په کابل کې د ېوې لوېې جهادي مدرسې د جوړولو خبر ورکړی دی.
د طالبانو د پوهنې وزارت په یوه اعلامیه کې ويلي دي چې دغه وزارت د طالبانو د رهبر په امر، د څو ولایتونو ترڅنګ، په کابل کې هم یوه لویه جهادي مدرسه افتتاح کوي او په هغې کې به د طالبانو روزنیز نصاب د دوی د مشرانو له خوا تدریس کيږي.
د طالبانو د پوهنې وزارت چارواکو، په دغې مدرسه کې د طالبانو د روزنیز نصاب او د تدريس د څرنګوالي په اړه څه نه دي ويلي.
پر ښځينه ویندويانو د مخ پټولو ټنیګار
کرزي ويلي دي چې ښځېنه ویندویانې نه باید د طالبانو د امر پيروي وکړي
په داسې حال کې چې طالبانو دوه ورځې مخکې امر وکړ چې په افغانستان کې دې د رسنیو ویندويانې دې په تصویر کې په ماسک سره پټو مخونو سره راڅرګندې شي، خو د یو شمیر رسنیو ویندویانو تر اوسه د طالبانو د امر با المعروف او نهي عن المنکر وزارت پر دغه امر عمل نه دی کړی.
دغه وزارت د یو شمیر رسنیو هغه رپوټونه رد کړي چې ګواکې دغه فرمان باطل شوی او ټينګار ېې کړی چې د ټولو تصویري رسنيو ویندويانې دې سر له نن شنبې ورځې (د ۲۰۲۲م کال د می ۲۱مه) کله چې په انځور کې راڅرګنديږي باید مخونه ېې په ماسک پټ وي.
په رسنیو کې د ښځو د مخونو پټولو په اړه د طالبانو فرمان د هیواد دننه او په نړیواله سطحه غبرګونونه راپارولي دي.
د افغانستان پخواني ولسمشر، حامد کرزي، تازه د (سي ان ان) شبکې سره په خبرو کې ويلي دي چې ښځېنه ویندویانې نه باید د طالبانو د امر پيروي وکړي. هغه ټينګار کړی چې ښځې په افغانستان کې حجاب رعایت کوي، خو د ښځو د مخ پټول حجاب نه بلکې د نورو هیوادونو دود دی. هغه زیاته کړې چې افغانستان یو اسلامي هیواد دی او د حجاب د څرنګوالي مسئله هم روښانه ده.
طالبانو پر حامد کرزي باندې هم محدودیتونه وضع کړي دي. هغه اجازه نه لري له هیواده بهر سفر وکړي. څو ورځې مخکې کرزي ته نژدې سرچينو دویچه ویله ته وويل چې کرزي غوښتل د متحده عربي اماراتو د حاکم د فاتحې په مراسمو کې د ګدون له پاره اماراتو ته ولاړ شي خو طالبانو ېې د سفر مخه ونیوله.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.